అతి ఆలోచనకు మేలైన చికిత్స

కొందరు ఒకే విషయం గురించి అదేపనిగా ఆలోచిస్తుంటారు. యుక్తవయసు పిల్లల్లో ఇది ఎక్కువ. యుక్తవయసులోనే మెదడు పరిపక్వమవుతుంటుంది. అలవాట్లు ఏర్పడుతుంటాయి. ఈ వయసులో మరీ అతిగా ఆలోచించే సమస్య నుంచి బయటపడేందుకు రుమినేషన్‌ ఫోకస్డ్‌ కాగ్నిటివ్‌ బిహేవియరల్‌ థెరపీ (ఆర్‌ఎఫ్‌-సీబీటీ) తోడ్పడుతున్నట్టు బయటపడింది. మాటిమాటికీ కుంగుబాటుకు లోనయ్యే పెద్దవారికి ఈ చికిత్స మేలు చేస్తున్నట్టు ఇప్పటికే రుజువైంది. యుక్తవయసు పిల్లలకూ ఇది వర్తిస్తుందో లేదో తెలుసుకోవటానికి పరిశోధకులు ప్రయత్నించారు. ఆర్‌ఎఫ్‌-సీబీటీ తీసుకున్నవారిలో అతి ఆలోచనలకు కారణమయ్యే మెదడు భాగాల్లో నాడుల స్థాయిలో అనుసంధానాలు మారిపోతున్నాయని గుర్తించారు. వీడియో కన్సల్టేషన్‌ ద్వారానూ ఇది మంచి ఫలితం కనబరుస్తున్నట్టు తేలిందని పరిశోధకులు చెబుతున్నారు.