నవ్వుల్‌.. నవ్వుల్‌...!

టీచర్‌ వస్తున్నారు..!

అమ్మ: ఏంటి చింటూ..! ఎందుకు ఏడుస్తున్నావు?

చింటు: మా టీచర్‌ జ్వరంగా ఉందని నెల రోజుల నుంచి స్కూల్‌కి రావట్లేదమ్మా..!

అమ్మ: ఇప్పుడు ఆవిడకి జ్వరం ఎక్కువైందని ఏడుస్తున్నావా..!

చింటు: కాదమ్మా..! రేపటి నుంచి ఆవిడ మళ్లీ స్కూల్‌కి వస్తున్నారంటా..!

అమ్మ: ఆఁ..!

నిశ్శబ్దం..!

టీచర్‌: పిల్లలూ..! ఎప్పుడు చూసినా ఈ గోలేంటి..నిశ్శబ్దంగా ఉండాలని నిన్న చెప్పాగా..!

విద్యార్థులు: అలాగే ఉంటున్నాం టీచర్‌..

టీచర్‌: మాట్లాడుకుంటూనే నిశ్శబ్దంగా ఉన్నాం అంటున్నారేంటి..?

విద్యార్థులు: అంటే.. టీచర్‌ నిశ్శబ్దంగా ఎలా ఉండాలో చర్చించుకుంటున్నాం..!

టీచర్‌: ఆఁ..!

ఎక్కడ దొరుకుతాయి..!

టీచర్‌: పట్టుదల, దృఢసంకల్పం ఉండే ఎంత కష్టమైన పని అయినా ఇట్టే చేసేయొచ్చు..

బంటి: పరీక్షలు రాయడం చాలా కష్టంగా ఉంది టీచర్‌..

టీచర్‌: అయితే పట్టుదలతో చదువు దృఢసంకల్పంతో ఉండు పరీక్షలు బాగానే రాస్తాం.

బంటి: అవి ఎక్కడ ఉంటాయో చెప్తే వెంటనే వెళ్లి తెచ్చేసుకుంటాను టీచర్‌..

టీచర్‌: ఆఁ..!