నవ్వుల్‌.. నవ్వుల్‌.!

భలే భలే..

టీచర్‌: బంటీ.. నువ్వు లెక్కలు సరిగ్గా చేయడం లేదని, ఇంపోజిషన్‌ ఇచ్చాను కదా.. రాశావా?

బంటి: రాశాను టీచర్‌.. ఇదిగోండి..

టీచర్‌: అదేంటి.. పదిసార్లని చెబితే ఆరుసార్లే రాసుకొచ్చావు..?

బంటి: అంటే.. నేను లెక్కల్లో వీక్‌ కదా టీచర్‌..

టీచర్‌: ఆఁ.!

నిజమే కదా..!

కిట్టు: చంటీ.. అన్నింటికంటే ఆనందంగా ఉండే జంతువు ఏది?

చంటి: ఏనుగు..

కిట్టు: అలా ఎలా చెప్పగలవు..?

చంటి: అవెప్పుడూ దంతాలు బయటకు కనిపించేలా నవ్వుతూనే ఉంటాయి కదా కిట్టూ..

కిట్టు: ఆఁ..!

అలా అర్థమైందా..?

మావయ్య: ఏంట్రా టింకూ.. వీధి చివరనున్న కళ్ల డాక్టర్‌ దగ్గరకు వెళ్తానంటున్నావు?

టింకు: మొన్న ఆ డాక్టర్‌ ఇచ్చిన కళ్లద్దాలతో తాతయ్య బాగా చదవగలుగుతున్నాడట..

మావయ్య: ఆ అయితే..?

టింకు: నేను కూడా అవి తెచ్చుకుంటే, బడికెళ్లే బాధ ఉండదు కదా మావయ్యా..

మావయ్య: ఆ..!!