నవ్వుల్‌.. నవ్వుల్‌..!

ఎన్నిసార్లో చెప్పలేదు..!

టీచర్‌: ఏంటి కిట్టూ.. ఎంత చెప్పినా ‘సైకాలజీ’ స్పెల్లింగ్‌ తప్పుగానే రాస్తున్నావు?  

కిట్టు: మర్చిపోతున్నా టీచర్‌..

టీచర్‌: అయితే.. రెండు పేజీల్లో ఇంపోజిషన్‌ రాసుకొని రా..!

కిట్టు: అలాగే టీచర్‌..

టీచర్‌: పెద్ద అక్షరాలతో పదాన్ని ఒకేసారి రాసేసి, రెండు పేజీలు నింపేశావేంటి?

కిట్టు: అంటే ఎన్నిసార్లు రాయాలో మీరు చెప్పలేదు కదా టీచర్‌..!

అంతా న్యూటన్‌ వల్లే!

చింటు: ఏంటి.. బంటీ.. ఏదో సీరియస్‌గా ఆలోచిస్తున్నావు?

బంటి: న్యూటన్‌ గురించి!

చింటు: న్యూటన్‌ గురించా?

బంటి: అవును చింటూ... చెట్టు పై నుంచి ఆపిల్‌ పడితే.. హాయిగా తిని ఊరుకుంటే సరిపోయేది. సిద్ధాంతాలని రాద్ధాంతాలు చేశాడు. ఇప్పుడు మనం అవన్నీ చదవలేక ఇబ్బంది పడుతున్నాం.

చింటు: ఆఁ..!