కొనుగోళ్లకు జీఎస్‌టీ ఊతం

ఈనాడు, హైదరాబాద్‌: ఇళ్లపై వస్తు సేవల పన్ను(జీఎస్టీ) ఏప్రిల్‌ నుంచి 5 శాతానికి తగ్గనుంది. ప్రస్తుతం 12 శాతం వసూలు చేస్తున్నారు. జీఎస్టీ కౌన్సిల్‌ ఈ నిర్ణయం ప్రకటించినప్పటి నుంచి ఇంటి కొనుగోలుదారులు ఏప్రిల్‌ కోసం ఎదురుచూస్తున్నారు. తమకు నచ్చిన ప్రాజెక్ట్‌లో ఫ్లాట్‌ బుక్‌ చేసినా జీఎస్టీ తగ్గిన తర్వాత చెల్లింపులు చేసేందుకు ఎదురుచూస్తున్నారు. సోమవారం నుంచి వీరు తగ్గించిన జీఎస్టీ మేరకు చెల్లించవచ్చు. అందుబాటు ఇళ్లకు జీఎస్‌టీని 8 శాతం నుంచి ఏకంగా ఒక శాతానికి తగ్గించింది. దీంతో నగరంలో సామాన్య,మధ్యతరగతి వాసులకు సొంతింటి కొనుగోలులో భారం భారీగా తగ్గనుంది. నాన్‌ మెట్రోలో ఇంటి ధర రూ.45 లక్షల లోపు ఉండి.. 968 చదరపు అడుగుల విస్తీర్ణం లోపు ఉన్న ఇళ్లకు జీఎస్‌టీ ఒక శాతం వర్తిస్తుంది.