ఈఎంఐ భారం.. సరసమైన ఇళ్లు దూరం

సరసమైన ఇళ్ల కొనుగోలుదారులపై స్థిరాస్తుల ధరలపెరుగుదల, వడ్డీరేట్ల పెంపు ప్రభావం అధికంగా ఉందని అధ్యయనాలు సూచిస్తున్నాయి. డౌన్‌ పేమెంట్‌ 7 శాతం పెరగగా... ఈఎంఐ భారం ఏకంగా 14 శాతం భారమైంది. వీటికి పరిష్కారంగా వడ్డీరేట్లపై సబ్సిడీ ఇవ్వడం, డౌన్‌ పేమెంట్‌ శాతాన్ని తగ్గించడం.. దీర్ఘకాలానికి గృహ రుణాలను మంజూరు చేస్తే కొంత ఊరట ఉంటుందని రియాల్టీ సంస్థలు సూచిస్తున్నాయి.

• దేశవ్యాప్తంగా రూ.50 లక్షల లోపు సరసమైన ఇళ్ల మార్కెట్‌ తీవ్ర ఒత్తిడి ఎదుర్కొంటోందని నైట్‌ ఫ్రాంక్‌ ఇండియా నివేదికలో పేర్కొంది. గత ఏడాదితో పోలిస్తే ఈ ఏడాది 10 శాతం అమ్మకాలు తగ్గాయి. డౌన్‌పేమెంట్‌, ఈఐఎం భారం కావడమే ఇందుకు కారణం. 2021 మొదలు వరసగా ఏడు త్రైమాసికాల్లోనూ తగ్గుదల నమోదైంది.  

• 50 లక్షల నుంచి కోటి రూపాయల గృహాల్లో 14 శాతం పెరుగుదల కన్పించింది. ఇందులో కొంచెం హెచ్చుతగ్గులు ఉన్నాయి. కొన్నిసార్లు పెరగడం.. మళ్లీ తగ్గడం గమనించవచ్చు.
• కోటిపైన ఇళ్ల విక్రయాలు ఏకంగా 39 శాతం పెరిగాయి. ఈ విభాగం 2021 తొలి త్రైమాసికం నుంచి ఇప్పటివరకు పెరుగుతూనే ఉంది.