భళారే... చేపల కూర..!

చెట్టినాడ్‌ ఫిష్‌ కర్రీ

తయారుచేసే విధానం
* బాణలిలో టేబుల్‌స్పూను నూనె వేసి సోంపు వేసి వేయించి తీయాలి. రెండు ఉల్లిపాయల్నీ, ఒక టొమాటోనీ ముక్కలుగా కోయాలి. ఇప్పుడు ఉల్లిముక్కలు, వెల్లుల్లి రెబ్బలు కలిపి వేయించాలి. తరవాత టొమాటో ముక్కలు కూడా వేసి వేగాక దించాలి. వీటికి కొబ్బరి తురుము, ఉప్పు, కారం కూడా కలిపి మెత్తగా రుబ్బాలి.
* మిగిలిన ఉల్లిపాయ, టొమాటో కూడా ముక్కలుగా కోయాలి. బాణలిలో మిగిలిన నూనె వేసి కాగాక మిగిలిన ఉల్లి ముక్కలు వేసి వేగాక, టొమాటో ముక్కలు వేసి ఉడికించాలి. తరవాత కొబ్బరి ముద్ద వేసి నూనె తేలేవరకూ వేయించాలి. చింతపండు గుజ్జు, తగినన్ని నీళ్లు పోసి మరిగిన తరవాత చేప ముక్కలు కూడా వేసి సిమ్‌లో ఉడికించి దించాలి. చివరగా కొత్తిమీర తురుము చల్లితే సరి.

అమృత్‌సర్‌ ఫిష్‌ కర్రీ

తయారుచేసే విధానం
* చేపముక్కలని ఉప్పు, పసుపుతో కడిగి పక్కన ఉంచాలి. తరవాత సెనగపిండిని వేయించాలి. ఇప్పుడు అందులో వాము, ఉప్పు, కారం, కసూరిమెంతి, గరంమసాలా, బిర్యానీ మసాలా, ఆమ్‌చూర్‌, పసుపు కలపాలి. ఈ మిశ్రమాన్ని ముక్కలకు పట్టించి కాసేపు ఉంచాలి. ఇప్పుడు నాన్‌స్టిక్‌ పాన్‌లో నూనె వేసి ముక్కల్ని రెండువైపులా వేయించి తీయాలి.

కేరళ చేపల కూర

తయారుచేసే విధానం
* ఉల్లిపాయ, టొమాటో, వెల్లుల్లి, పచ్చిమిర్చి ముద్దలా నూరాలి.
* బాణలిలో టేబుల్‌స్పూను నూనె వేసి కాగాక కొబ్బరి ముద్ద వేసి వేయించాలి. తరవాత ఎండుమిర్చి ముద్ద, దనియాలపొడి, కారం, పసుపు వేసి కలిపి స్టవ్‌మీద నుంచి దించి పక్కన ఉంచాలి.
* విడిగా మరో బాణలిలో మిగిలిన నూనె వేసి కాగాక ఆవాలు, ఎండుమిర్చి, కరివేపాకు వేసి వేయించాలి. తరవాత ఉల్లిముద్ద వేసి వేయించాలి. ఇప్పుడు వేయించిన కొబ్బరి మిశ్రమం, చింతపండు గుజ్జు వేసి కలపాలి. తరవాత మంచినీళ్లు పోసి మరిగించాలి. ఇప్పుడు చేపముక్కలు, ఉప్పు వేసి సిమ్‌లో పది నిమిషాలు ఉడికించి దించాలి.

బెంగాలీ చేప కూర

తయారుచేసే విధానం
* దనియాలు, జీలకర్ర, ఎండుమిర్చి, లవంగాలు, యాలకులు, దాల్చినచెక్క మిక్సీలో వేసి మెత్తగా చేయాలి.
* చేపముక్కలకు పసుపు, అరటీస్పూను ఉప్పు పట్టించి ఉంచాలి.
* టొమాటో ముక్కలు, వెల్లుల్లి, అల్లంతురుము, పచ్చిమిర్చి, ఆవపిండి, ఉప్పు, కొన్ని నీళ్లు పోసి కలిపి రుబ్బాలి.
* బాణలిలో నూనె వేసి కాగాక టొమాటో మిశ్రమాన్ని వేసి వేయించాలి. తరవాత చేప ముక్కలు వేసి, కాసిని నీళ్లు పోసి సిమ్‌లో పది నిమిషాలు ఉడికించాలి.
* తరవాత కొత్తిమీర తురుము వేసి దించాలి.