తృణమో... ఘనమో!

రాగి ఉండ్రాళ్లు

తయారీ: ఒక గిన్నెలో రెండు కప్పుల నీళ్లు వేసి మరిగించుకోవాలి. దీంట్లో బెల్లం వేసి కరిగేంతవరకూ ఉడికించుకోవాలి. తర్వాత పచ్చికొబ్బరి తురుము, యాలకులపొడి వేసి మరో రెండు నిమిషాలపాటు ఉడికించుకోవాలి. ఇప్పుడు రాగిపిండిని కొద్దికొద్దిగా వేస్తూ ఉండ కట్టకుండా కలుపుతూ ఉండాలి. మంట తగ్గించి మూతపెట్టి ఐదునిమిషాలపాటు ఉడికించుకోవాలి. పిండి గట్టిపడి ముట్టుకుంటే చేతికి అంటుకోకూడదు. ఇప్పుడు మంటఆపి పావుగంటపాటు చల్లార్చుకోవాలి. అరచేతులకు కొద్దిగా నెయ్యి రాసుకుని గుండ్రంగా ఉండ్రాళ్లు చేసుకుని ఇడ్లీ కుక్కర్‌లో ఎనిమిది నిమిషాలపాటు ఉడికించుకోవాలి. ఉండ్రాళ్లపై నేతిలో వేయించిన జీడిపప్పులని అందంగా అలంకరించుకుని నైవేద్యంగా పెట్టొచ్చు.

* క్యాల్షియం, విటమిన్‌ డి, పీచు పుష్కలంగా ఉండే రాగులు బరువు తగ్గడానికి సహకరిస్తాయి. రక్తహీనత తలెత్తకుండా చూస్తాయి.

కొర్ర కుడుములు

తయారీ: ఒక గిన్నెలో నీటిని మరిగించుకోవాలి. దాంట్లో బెల్లం వేసి కరిగించుకోవాలి. ఇప్పుడు ఉడికించిన కొర్రలు, కొబ్బరి, యాలకులపొడి వేసి మళ్లీ మరిగించుకోవాలి. కొద్దికొద్దిగా బియ్యప్పిండి వేస్తూ ఉండ కట్టకుండా కలుపుకోవాలి. పిండి దగ్గరకు వచ్చాక ఎనిమిది నిమిషాలపాటు సన్నమంటపైన ఉంచి మూతపెట్టి ఉడికించుకోవాలి. తర్వాత ఆ మిశ్రమాన్ని పళ్లెంలోకి తీసుకుని చల్లార్చుకోవాలి. సెనగపప్పుని మరీ మెత్తగా కాకుండా ఉడికించుకుని నీళ్లు లేకుండా వడకట్టి పెట్టుకోవాలి. ఈ సెనగపప్పుని ఉడికించిన కొర్రల మిశ్రమంలో కలుపుకోవాలి. చేతికి నెయ్యి రాసుకుని... చిన్న ఉండలుగా చేసుకుని ఆవిరిమీద ఎనిమిది నిమిషాలపాటు ఉడికించుకోవాలి.

* కొర్రల్లో మెండుగా ఉండే ఇనుము మెదడుని చురుగ్గా ఉంచుతుంది. అల్జీమర్స్‌ రాకుండా చేస్తుంది. ముఖంలో వయసు కారణంగా వచ్చే ముడతల్ని అడ్డుకుంటాయి.

ఏకదంతునికి ‘చిరు’విందులు
నిమిషాలపాటు సన్నమంటపైన ఉంచి మూతపెట్టి ఉడికించుకోవాలి. తర్వాత ఆ మిశ్రమాన్ని పళ్లెంలోకి తీసుకుని చల్లార్చుకోవాలి. సెనగపప్పుని మరీ మెత్తగా కాకుండా ఉడికించుకుని నీళ్లు లేకుండా వడకట్టి పెట్టుకోవాలి. ఈ సెనగపప్పుని ఉడికించిన కొర్రల మిశ్రమంలో కలుపుకోవాలి. చేతికి నెయ్యి రాసుకుని... చిన్న ఉండలుగా 
ః కొర్రల్లో మెండుగా ఉండే ఇనుము మెదడుని చురుగ్గా ఉంచుతుంది. అల్జీమర్స్‌ రాకుండా చేస్తుంది. ముఖంలో వయసు కారణంగా వచ్చే ముడతల్ని అడ్డుకుంటాయి.

సజ్జ మోదక్‌లు

కావాల్సినవి: సజ్జలు- 150గ్రా, బెల్లం- 100గ్రా, కొబ్బరి తురుము- రెండు చెంచాలు, నెయ్యి- చెంచా, యాలకులపొడి- చిటికెడు, నీళ్లు- తగినన్ని

తయారీ: సజ్జలని మెత్తగా పిండి ఆడించుకోవాలి. లేదంటే బజారులో దొరికే సజ్జపిండిని కూడా వాడుకోవచ్చు. బెల్లాన్ని సన్నగా తురుముకోవాలి. ఒక గిన్నెలో సజ్జపిండి, బెల్లం, యాలకులపొడి వేసి బాగా కలుపుకోవాలి. చివరిగా పచ్చికొబ్బరి, నెయ్యి వేసి కలపాలి. ఇప్పుడు కొద్దికొద్దిగా నీళ్లు పోసుకుంటూ పిండి తడుపుకొని మోదక్‌లుగా చేసి పక్కన పెట్టుకోవాలి. ఇడ్లీ కుక్కర్‌లో కానీ మోదక్‌ కుక్కర్‌లో కానీ ఉంచి కప్పు నీళ్లు పోసుకుని, పాత్రకు కొద్దిగా నెయ్యిరాసి మోదక్‌లని ఆవిరిమీద ఐదు నుంచి ఎనిమిది నిమిషాలపాటు ఉడికించుకోవాలి. వేడివేడిగా తింటే బాగుంటాయి.

* పొడవైన, బలమైన జుట్టు కావాలనుకునేవారికి సజ్జలు ఎంతగానో సహకరిస్తాయి. చర్మం తేమతో నిగారించేందుకు ఇవి ఉపయోగపడతాయి.

మోదక్‌లు చేయడానికి స్టీల్‌ లేదా ప్లాస్టిక్‌తో చేసిన మోదక్‌ మేకర్లు బజారులో దొరుకుతుంటాయి. వాటితో ప్రయత్నిస్తే చేతికి శ్రమ లేకుండా అందమైన మోదక్‌లు కనువిందు చేస్తాయి.

ఊదల పూర్ణాలు

తయారీ: సెనగపప్పుని నానబెట్టుకోవాలి. తర్వాత పలుకుగా ఉడికించి నీళ్లు మొత్తం వడకట్టి పెట్టుకోవాలి. మిక్సీలో సెనగపప్పు, బెల్లం, యాలకులపొడి, ఉడికించిన ఊదలు వేసి మెత్తగా రుబ్బుకోవాలి. ఈ మిశ్రమాన్ని ఉండలుగా చేసుకుని పక్కన పెట్టుకోవాలి. దీనిలో వెంటనే సన్నని పలుకులుగా చేసుకున్న డ్రైఫ్రూట్స్‌ని వేసుకుని చిన్నచిన్న ఉండలు చేసుకోవాలి. ఇప్పుడు మరొక గిన్నెలో కప్పు నీళ్లు తీసుకుని మరిగించుకోవాలి. మరుగుతున్న నీటిలో అరకప్పు బియ్యప్పిండిని ఉండలు కట్టకుండా నెమ్మదిగా వేస్తూ ఉండాలి. పిండి దగ్గరకు వచ్చాక సన్నని మంట మీద ఉంచి అంచులు వీడిపోయేంతవరకూ ఉడికించుకోవాలి. తర్వాత చేతికి నెయ్యి రాసుకుని కొద్దిగా పిండి తీసుకుని వేళ్లతో అదిమిపెట్టి రొట్టె మాదిరిగా చేసుకుని అందులో పూర్ణాన్ని ఉంచాలి. అన్నివైపుల నుంచి మూసి వేసి ఆవిరిమీద ఐదు నిమిషాలపాటు ఉడికించుకోవాలి. ఊదలపూర్ణం కుడుములు ఎంతో రుచిగా ఉంటాయి.

* కెలొరీలతోపాటు దీని గ్లైసమిక్‌ ఇండెక్స్‌ కూడా తక్కువగా ఉండటంతో మధుమేహం, గుండెజబ్బులు ఉండేవారికి ఈ ఆహారం ఎంతగానో మేలు చేస్తుంది.

మోదక్‌ లేదా కుడుములు చేయడానికి...  కుక్కర్లు కూడా ఉంటాయి. వీటితో ఉండ్రాళ్లని తేలికగా చేసుకోవచ్చు.

మిల్లెట్‌ మోదక్‌

తయారీ: ఒక గిన్నెలో మైదాపిండి, అన్ని తృణధాన్యాలు కలిపిన పిండి(మల్టీమిల్లెట్‌ గ్రైన్స్‌ ఫ్లోర్‌), గోధుమపిండి, కొద్దిగా ఉప్పు, తగినంత నీరుపోసి పిండిని ముద్ద చేసుకోవాలి. కావాలంటే ఈ పిండిలో ఒక చెంచా బొంబాయి రవ్వ కూడా కలుపుకోవచ్చు. ఇప్పుడు పొయ్యి మీద ఒక పాన్‌ పెట్టుకుని అందులో రెండు చెంచాల నెయ్యి పోసుకోవాలి. దీనిలో మొదట పచ్చికొబ్బరితురుము వేసి వేయించుకుని తర్వాత బెల్లం వేసి వేయించుకోవాలి. నెమ్మదిగా బెల్లం కరిగి... తర్వాత క్రమంగా గట్టిపడటం ఆరంభమవుతుంది. అప్పుడు యాలకులపొడి, జీడిపప్పు పలుకులు వేసి కలుపుకోవాలి. పొయ్యిమీద నుంచి దింపి చల్లార్చుకోవాలి. ఇప్పుడు ముందు తయారుచేసుకున్న పిండిలో నుంచి చిన్నచిన్న ఉండలు తీసుకుని చపాతీలుగా ఒత్తుకోవాలి. బెల్లం మిశ్రమాన్ని చపాతీల మధ్య ఉంచుకుని మోదక్‌లుగా మలుచుకోవాలి. ఇలా చేసుకున్న మోదక్‌లను నూనెలో వేయించుకోవాలి. ఇవి చాలా రుచిగా ఉంటాయి.