సొరకాయ్‌... కోసెయ్‌..!

సొరకాయ-సెనగపప్పు

కావలసినవి

తయారుచేసే విధానం
*సెనగపప్పుని శుభ్రంగా కడిగి అందులో ఉప్పు, పసుపు, అల్లం, మంచినీళ్లు వేసి ప్రెషర్‌ కుక్కర్‌లో ఉడికించాలి. తరవాత పాన్‌లో నెయ్యి వేసి జీలకర్ర, పలావు ఆకులు వేసి వేగాక టొమాటో ముక్కలు వేసి నూనె తేలేవరకూ వేయించాలి. ఇప్పుడు పచ్చిమిర్చి ముక్కలు, గరంమసాలా, దనియాలపొడి, కారం వేసి కలపాలి. తరవాత సొరకాయ ముక్కలు వేసి కలిపి, ఉడికించిన సెనగపప్పు కూడా వేసి సిమ్‌లో ముక్కలు ఉడికేవరకూ ఉంచి కొత్తిమీర తురుముతో అలంకరించాలి.

సొరకాయ పొరియల్‌

తయారుచేసే విధానం
* వెల్లుల్లి తప్ప మిగిలినవన్నీ బాణలిలో వేసి మంచి వాసన వచ్చేవరకూ వేయించి తీసి చల్లారాక పొడి చేయాలి.
* సొరకాయ తొక్కు తీసి ముక్కలు కోయాలి. మందపాటి బాణలిలో నూనె వేసి కాగాక జీలకర్ర, ఆవాలు, మినప్పప్పు, సెనగపప్పు వేసి వేయించాలి. తరవాత కరివేపాకు, పచ్చిమిర్చి వేసి వేగాక సొరకాయ ముక్కలు, పసుపు వేయాలి. నెమ్మదిగా తిప్పతూ ఐదు నిమిషాలు వేగాక మూతపెట్టి ఉడికించాలి. ముక్కలు పూర్తిగా మగ్గిన తరవాత వేపుడు కారం, కొబ్బరి తురుము వేసి కలిపి దించాలి.

సొరకాయ-వడియాల కూర

తయారుచేసే విధానం
* ఓ బాణలిలో తగినంత నూనె వేసి వడియాలు వేయించి పక్కన ఉంచాలి.
* సొరకాయ తొక్కు తీసి ముక్కలు కోయాలి. 
* ప్రెషర్‌ కుక్కర్‌లో జీలకర్ర వేసి వేగాక ఉల్లిముక్కలు వేసి వేయించాలి. 
*తరవాత అల్లం తురుము, పచ్చిమిర్చి ముక్కలు వేసి వేగాక టొమాటో ముక్కలు వేసి మెత్తగా అయ్యేవరకూ ఉడికించాలి. 
* టొమాటో ముక్కలు ఉడికిన తరవాత వేయించిన వడియాలు వేసి పసుపూ కారం చల్లి కలపాలి. తరవాత సొరకాయ ముక్కలు కూడా వేసి ఓ నిమిషం వేగాక మంచినీళ్లు పోసి ఉప్పు సరిచూసి ఉడికించాలి. చివరగా కొత్తిమీర తురుము చల్లి దించితే సరి.

సొరకాయ కోఫ్తా

తయారుచేసే విధానం
* ముందు సొరకాయ తొక్కు తీసి సన్నగా తురిమి నీళ్లు పిండి, ఆ నీళ్లను పక్కన ఉంచాలి. తురుములో సెనగపిండి, ఉప్పు, కారం, పసుపు, గరంమసాలా వేసి కలిపి ఉండల్లా చుట్టి కార్న్‌ఫ్లోర్‌లో దొర్లించి నూనెలో వేయించి తీయాలి. 
*  నాన్‌స్టిక్‌ పాన్‌లో 2 టీస్పూన్ల నూనె వేసి కాగాక జీలకర్ర, అల్లంవెల్లుల్లి వేసి వేయించాలి. తరవాత టొమాటోలు కూడా వేసి వేయించాలి. చల్లారాక ముద్దలా నూరాలి. పాన్‌లో నూనె వేసి జీలకర్ర, పలావుఆకు వేసి వేగాక పసుపు, కారం వేసి కలపాలి. తరవాత టొమాటో పేస్టు వేసి వేయించాలి. ఇప్పుడు దనియాలపొడి, ఉప్పు వేసి పిండిన సొరకాయ నీళ్లు, పెరుగు వేసి కలుపుతూ ఉడికించాలి. చివరగా కసూరిమెంతి, గరంమసాలా వేసి దించాక అందులో వేయించిన కోఫ్తాలు వేసి కొత్తిమీర తురుము చల్లితే సరి.