క్యాప్సికమ్‌తో కమ్మకమ్మగా..!

ఆలూ క్యాప్సికమ్‌

తయారుచేసే విధానం
* మిక్సీ జార్‌లో టొమాటో, జీడిపప్పు, అల్లం, వెల్లుల్లి, దనియాలు, జీలకర్ర అన్నీ వేసి పావు కప్పు నీళ్లు పోసి మెత్తగా రుబ్బాలి.
* బంగాళాదుంపల్ని ఉడికించి పొట్టు తీసి ముక్కలుగా కోయాలి.
* బాణలిలో టేబుల్‌స్పూను నీళ్లు పోసి కాగాక క్యాప్సికమ్‌ ముక్కలు వేసి, ఉప్పు చల్లి ఓ రెండు నిమిషాలు ఉడికించి తీసి పక్కన ఉంచాలి.
* తరవాత మిగిలిన నూనె వేసి కాగాక ఉల్లిముక్కలు వేసి వేయించాలి. కారం, పసుపు, గరంమసాలా వేసి కలపాలి. ఇప్పుడు రుబ్బిన టొమాటో ముద్ద కూడా వేసి సిమ్‌లో  పెట్టి అంచుల్లో నూనె తేలే వరకూ మగ్గనివ్వాలి.
తరవాత ఉడికించి పక్కన ఉంచిన బంగాళాదుంప, క్యాప్సికమ్‌ ముక్కలు వేసి, పావు కప్పు నీళ్లు పోసి మీడియం మంటమీద దగ్గరగా అయ్యేవరకూ ఉడికించి దించాలి.

క్యాప్సికమ్‌ టొమాటో

తయారుచేసే విధానం
* కొబ్బరి తురుము, పచ్చిమిర్చి, అల్లం, వెల్లుల్లి మిక్సీ జార్‌లో వేసి మెత్తగా రుబ్బాలి. క్యాప్సికమ్‌, టొమాటోలు చిన్న ముక్కలుగా కోయాలి.
* బాణలిలో నూనె వేసి జీలకర్ర, కరివేపాకు వేసి వేగాక ఉల్లి ముక్కలు వేసి వేయించాలి. తరవాత ఉప్పు వేసి కలిపి టొమాటో ముక్కలు వేసి కలపాలి. ఇప్పుడు దనియాలపొడి, కారం, పసుపు వేసి కలిపి మూతపెట్టి టొమాటోలు ఉడికేవరకూ ఉంచాలి. తరవాత కొబ్బరి ముద్ద వేసి కలిపి రెండు నిమిషాలు ఉడికించాలి. ఇప్పుడు క్యాప్సికమ్‌ ముక్కలు కూడా వేసి కలపాలి. అవి కాస్త మగ్గిన తరవాత కొద్దిగా నీళ్లు చల్లి మూతపెట్టి ఉడికించాలి. అవి కాస్త ఉడికిన తరవాత అవసరమైతే మరో పావు కప్పు నీళ్లు పోసి ఉడికించాలి. చివరగా కొత్తిమీర తురుము చల్లి దించాలి.

క్యాప్సికమ్‌ మసాలా కూర

తయారుచేసే విధానం
* దనియాలు, కొబ్బరితురుము, ఎండుమిర్చి, నువ్వులు అన్నీ సిమ్‌లో వేయించి తీయాలి. పల్లీలు కూడా వేయించాలి. ఇవన్నీ చల్లారాక పొడి చేయాలి.
* నాన్‌స్టిక్‌ పాన్‌లో నూనె వేసి కాగాక జీలకర్ర వేసి వేయించాలి. తరవాత ఉల్లిముక్కలు, దంచిన వెల్లుల్లి రెబ్బలు కూడా వేసి వేగనివ్వాలి. ఇప్పుడు క్యాప్సికమ్‌ ముక్కలు వేసి ఉప్పు చల్లి మూతపెట్టి ఐదు నిమిషాలు ఉడికించాలి. తరవాత పసుపు, కారం వేసి కలపాలి. మసాలాపొడి కూడా వేసి కలిపి ఓ ఐదు నిమిషాలు వేగాక సుమారు కప్పు నీళ్లు పోసి ఉడికించాలి. చివరగా దించేముందు నిమ్మరసం పిండాలి.

కార్న్‌ క్యాప్సికమ్‌ పనీర్‌ మసాలా

తయారుచేసే విధానం
* స్వీట్‌కార్న్‌ గింజలు ఉడికించి దించాలి. బాణలిలో నూనె వేసి కాగాక జీలకర్ర వేసి వేగాక ఉల్లిపాయ ముక్కలు వేసి వేయించాలి. తరవాత అల్లంవెల్లుల్లి ముద్ద వేసి వేగాక క్యాప్సికమ్‌ ముక్కలు వేసి వేయించాలి. ఇప్పుడు పసుపు, కారం, దనియాలపొడి వేసి ఓ నిమిషం వేగాక టొమాటో గుజ్జు వేసి ఉడికించాలి. తరవాత ఉడికించిన స్వీట్‌కార్న్‌, పనీర్‌ ముక్కలు వేసి కలపాలి. తర్వాత ఉప్పు, పంచదార, గరంమసాలా వేసి బాగా కలిపి అరకప్పు నీళ్లు పోసి కసూరి మెంతి చల్లి మూతపెట్టి దగ్గరగా అయ్యేవరకూ సిమ్‌లో ఉడికించి దించాలి.