బ్యాక్‌ప్యాకే తెరగా

కాలేజీ కుర్రాడికైనా, కార్యాలయానికెళ్లే యువోద్యోగికైనా.. ఈరోజుల్లో బ్యాక్‌ప్యాక్‌ లేకుండా పని ముందుకెళ్లదు. వాళ్లని ఆకట్టుకునేలా రకరకాల డిజైన్లు, పరిమాణాల్లో అందుబాటులోనూ ఉన్నాయి. వీటన్నింటికన్నా భిన్నంగా, టెక్నాలజీని జత చేర్చి  B-PIX4 Backpack అనే సరికొత్త బ్యాక్‌ప్యాక్‌ని మార్కెట్లోకి తీసుకొచ్చింది BIOSLED కంపెనీ. దీని ప్రత్యేకత ఏంటంటే.. బ్యాక్‌ప్యాక్‌ వెనకాల భాగంలో ఎల్‌సీడీ, ఓఎల్‌ఈడీ తెర ఉంటుంది. 96 x 128 పరిమాణపు తెరలో ఫొటోలు, వీడియోలు, జిఫ్‌ ఫైల్స్‌, క్యూఆర్‌ కోడ్‌లు అన్నీ ప్లే అవుతాయి. చీకట్లో ఎల్‌ఈడీ ల్యాంప్‌లా కూడా పని చేస్తుంది.  స్మార్ట్‌ఫోన్‌ యాప్‌ ద్వారా దీన్ని నియంత్రించవచ్చు. కొత్తదనం కోరుకునే యువత మెచ్చేలా ఉండే ఈ బ్యాక్‌ప్యాక్‌ ధర రూ.3,999.