రొమాంటిక్‌ కామెడీలే నచ్చుతాయట

అధ్యయనం

‘మీరెలాంటి సినిమాలు కలిసి చూస్తారు?’ ‘అవేమైనా మీ జీవితాలపై ప్రభావం చూపిస్తాయా?’ ఇలాంటి సందేహాలు ప్రేమికుల ముందు పెట్టింది క్వాక్‌క్వాక్‌ అనే డేటింగ్‌ యాప్‌. జనరేషన్‌ జడ్‌ ప్రేమికులు ఏమన్నారంటే...

* ప్రేమికుల్లో అత్యధికులు కలిసి చూసేదీ.. మొదటి మూవీ డేట్‌కి ఓటేసేదీ రొమాంటిక్‌ కామెడీలకేనట.

* ఇందులో 57శాతం మంది సినిమాల్లో చూపించినంతగా మా జీవితాల్లో రొమాన్స్‌, కామెడీ లేవని అసంతృప్తి వ్యక్తం చేశారు.

* సినిమాల్లో ఉన్నట్టుగా మా ప్రేమలోనూ సరదాలు, రొమాన్స్‌ ఉండాలని అబ్బాయిలకన్నా అమ్మాయిలే ఎక్కువగా కోరుకుంటున్నారు.

సినిమాలు కలిసి  చూస్తే ఇద్దరి మధ్యా ప్రేమ మరింత పెరుగుతుందని 23 శాతం మంది భావిస్తున్నారు.

* రొమాంటిక్‌ కామెడీలు చూస్తున్నప్పుడు నాయికానాయకుల పాత్రల్లో మమ్మల్ని మేం ఊహించు కుంటున్నామని 29 శాతం
మంది సెలవిచ్చారు.

* దేశంలోని మెట్రో నగరాలతోపాటు మరో నాలుగు పట్టణాల్లో 20 వేల మందితో ఈ ఆన్‌లైన్‌ సర్వే నిర్వహించారు.