నమ్మండి.. హాలీవుడ్‌ భామలేనండీ!

స్కార్లెట్‌ జొహాన్సన్‌, ఎమిలియా క్లార్క్‌, నటాలీ పోర్ట్‌మన్‌, సల్మా హయెక్‌, ఎమ్మా వాట్సన్‌, జెండాయా.. జగమెరిగిన హాలీవుడ్‌ నాయికలు. తమ అందంతో కుర్రాళ్ల గుండెల్లో తుపాను రేపే భామలు. వీళ్లంతా కాషాయం కట్టి, ఒళ్లంతా చీర చుడితే ఎలా ఉంటుంది? కలలో కూడా ఇది ఊహకు అందదు. రియల్‌ లైఫ్‌లో కాదు కదా.. కనీసం రీల్‌ లైఫ్‌లోనూ సాధ్యం కాదు కదూ! కానీ ఇది ఏఐ కాలం గురూ.. ఏదైనా సాధ్యమే. వైల్డ్‌ ట్రాన్స్‌ అనే కళాకారుడు కృత్రిమ మేధ సాఫ్ట్‌వేర్‌ మిడ్‌జర్నీతో ఇదిగో వారిని ఇలా సృష్టించాడు. దుస్తుల విషయంలో ఒంటిపై పొదుపు పాటించే ఈ హాలీవుడ్‌ స్టార్లు నుదుటన బొట్టు, చేతికి గాజులు, మెడలో రుద్రాక్షలు.. ధరించి మహా సాధ్వీమణుల్లాగే కనిపిస్తున్నారు. అన్నట్టు ఇందులో కొందరు తారలు గతంలో భారత్‌ సందర్శించి ఆధ్యాత్మిక ప్రశాంతతతో పరవశించినవాళ్లే.