సెల్‌ఫోన్‌ అంటే మాకు ప్రాణం

పశువులంటే మాకు ప్రాణం.. యాడ్‌కు పేరడీ...

సెల్‌ఫోన్‌ అంటే మాకు ప్రాణం. పొద్దున ఆరు గంటలకే నిద్ర లేస్తాం. వీడియోలన్నీ చూస్తాం. వాట్సప్‌లో చాటింగ్‌ చేస్తాం. రిప్లై కోసం సిల్లీఫెలోస్‌లా ఎదురు చూస్తాం. కోతిలా ఫొటోలకు పోజులిస్తాం. అన్నీ స్టేటస్‌లో పెట్టేస్తాం. వచ్చిన కామెంట్లు చూసి మురిసిపోతాం. ఫేస్‌బుక్‌లోనూ వాటిని పంచుకుంటాం. కొంచెం బాగుందా.. ఇన్‌స్టాగ్రామ్‌లో రీల్స్‌ చేసి పెడతాం. ట్విటర్‌లో ట్వీట్లు పెడతాం. వివాదాలను కొని తెచ్చుకుంటాం. అవసరమైతే తిండి మానేస్తాం. అనవసరమైన వాటిని వెతికేస్తాం. సైబర్‌ లింక్‌లను తెలియక క్లిక్‌ చేస్తాం. బ్యాంకు ఖాతాలో డబ్బులు ఖాళీ చేయిస్తాం. ఆఖరికి పోలీసులను ఆశ్రయిస్తాం. అయినా మేం తీరు మార్చుకోం. ఎందుకంటే సెల్‌ఫోన్‌ అంటే మాకు ప్రాణం. సెల్‌ఫోన్‌ లేకుండా మేం బతకలేం. మా సెల్లులకు యజమానులం మేమే!

 పి.సాంబశివారెడ్డి, కడప