విరాట్‌లా కుమ్మేద్దామా?

సెంచరీల మీద సెంచరీలు బాదనీ.. ఫామ్‌ లేమితో సతమతమవనీ.. ఒక్కరోజైనా వ్యాయామానికి డుమ్మా కొట్టని క్రికెటర్‌ విరాట్‌ కోహ్లి. అందుకే 35 ఏళ్ల వయసొచ్చినా ఫిట్‌నెస్‌ విషయంలో కుర్రాళ్లతో పోటీ పడుతుంటాడు. ఇంతకీ తను మైదానంలో చిరుతలా పరుగెత్తడానికి ఏమేం కసరత్తులు చేస్తాడో తెలుసుకొని మనమూ ఆచరిద్దామా..

• స్క్వాట్‌ విత్‌ ఓవర్‌హెడ్‌ ప్రెస్‌

• బలమైన కాళ్లకు ఇది చక్కని కసరత్తు. క్వాడ్రిసెప్స్‌, గ్లూట్స్‌, స్నాయువులు గట్టిపడతాయి. బరువులు ఎత్తడంతో భుజాలు, చేతి కండరాలూ దృఢమవుతాయి

•  డెడ్‌లిఫ్ట్‌ టు బైసెప్‌

• ఈ బరువులెత్తే వ్యాయామం మొత్తం శరీరాన్ని కవర్‌ చేస్తుంది. చేతి కండరాలు, పిరుదులు, స్నాయువు.. అన్నీ దృఢమవుతాయి. చేతులు, వీపు, కాలి పిక్కలు, భుజాలూ బలపడతాయి.

•  రివర్స్‌ లంజెస్‌

• లోయర్‌ బాడీని ఫిట్‌గా ఉంచే కసరత్తుల్లో ఇది అత్యుత్తమం అంటారు ఫిట్‌నెస్‌ గురూలు. మోకాళ్ల మీద ఎక్కువ భారం పడకుండా లోయర్‌ బాడీ కండరాలను దృఢం చేసే వ్యాయామం ఇది.