ఎక్స్‌ట్రీమ్‌గా యువత మెచ్చేలా..

బేసిక్‌ సెగ్మెంట్‌, బోలెడన్ని ఫీచర్లు.. హీరో ఎక్స్‌ట్రీమ్‌ 125ఆర్‌ గురించి పరిచయ వాక్యాలివి. యువతకు బాగా దగ్గరైన ఈ ద్విచక్రవాహనం మరిన్ని మెరుగులు అద్దుకొని వస్తోంది.

• యాంటీ లాక్‌ బ్రేకింగ్‌ సిస్టమ్‌ (ఏబీఎస్‌), ఏబీఎస్‌ లేకుండా.. రెండు వేరియంట్లలో లభిస్తోంది. ఏబీఎస్‌ ఉన్న మోడల్‌కి ధర రూ.99,500 (ఎక్స్‌షోరూం).‌్ర ఎల్‌ఈడీ హెడ్‌లైట్లు, మస్క్యులర్‌ ఇంధన ట్యాంకు, షార్ప్‌ ట్యాంక్‌ ష్రౌడ్స్‌, స్ప్లిట్‌ గ్రాబ్‌రెయిల్స్‌, పిలియన్‌ సీటు.. డిజైన్‌లోని ప్రత్యేకతలు.
•  125సీసీ, ఎయిర్‌కూల్డ్‌ సింగిల్‌ సిలిండర్‌, 11.4బీహెచ్‌పీ, 10.5ఎన్‌ఎం టార్క్‌.. ఇంజిన్‌ ప్రత్యేకతలు. ‌్ర ఫుల్లీ డిజిటల్‌ ఇన్‌స్ట్రుమెంట్‌ క్లస్టర్‌, మోనోరేర్‌ సస్పెన్షన్‌, అలాయ్‌ చక్రాలు.. చెప్పుకోదగ్గ కొన్ని ఫీచర్లు.