ఎండల్లో హాయిహాయిగా!

కాలం ఏదైనా యువత సొగసులతో చెలరేగిపోవడానికి అనుకూలమే. ఇప్పుడేమో ఎండాకాలం ముంచుకొస్తోంది. స్టైల్‌ని మండిస్తూనే ఒంటికి సౌకర్యంగా ఉండే ఔట్‌ఫిట్స్‌ ఏంటో తెలుసుకుంటే మంచిదేగా.

* వదులు సిల్హౌట్స్‌: వేసవి మొత్తం ఎండవేడితో సతమతమవుతాం. ఉక్కపోతతో ఉక్కిరిబిక్కిరి అవుతాం. వదులు దుస్తులు వేస్తే ఈ బాధలకు చెక్‌ పెట్టినట్టే. పైగా సౌకర్యంగా ఉంటాయి. వదులు సిల్హౌట్‌ దుస్తులు ఒంట్లో వేడిని తొలగిస్తాయి. టియర్డ్‌ డ్రెస్‌లు, స్కర్టులు, స్లీవ్‌ డ్రెస్‌లు ట్రెండీగా ఉండటంతోపాటు సౌకర్యంగా ఉంటాయి.
* లేత రంగులు: ఈ కాలంలో అందరూ చెప్పే మాట.. లేత రంగులకే ఓటేయాలని. ఇందులోనూ తేలికైన బ్లూ, పింక్‌, తెలుపు ఆహ్లాదకరంగా ఉంటాయి. లేత రంగులు సూర్యకిరణాలను వికేంద్రీకృతం చేసి ఎండ నుంచి కాపాడతాయి.
* టోపీ: ఎండ మనపై పడకుండా ఉండాలంటే.. ఎండకు టోపీ పెట్టేలా టోపీని ధరించాల్సిందే. ఇది రక్షణగా ఉండటమే కాదు.. కుర్రకారు ఆధునికంగా కనిపించేలా చేస్తుంది.
* మెటీరియల్‌: ఎండాకాలంలో మనం ధరించే మెటీరియల్‌ సైతం సౌకర్యమా, అసౌకర్యమా తేల్చి చెబుతాయి. ముఖ్యంగా కాటన్‌, లినెన్‌ ఒంటికి చల్లదనాన్నిస్తాయి. పాలిస్టర్‌, నైలాన్‌లాంటి వాటి జోలికి వెళ్లొద్దు.  

- అమ్మాయిలకు
* క్రాప్‌టాప్‌లు, ప్రింటెడ్‌ ప్యాంట్లు
* శారీ విత్‌ వైట్‌ షర్ట్‌
* ఫ్లోరల్‌ డ్రెస్‌లు
* క్రాప్‌టాప్‌, డెనిమ్‌ షార్ట్‌ అబ్బాయిలకు
* ప్రింటెడ్‌ చొక్కాలు, షార్ట్‌లు
* టై, డై డిజైన్లు, స్లిమ్‌ డార్క్‌ జీన్స్‌
* టర్ట్‌ల్‌ నెక్‌ టీషర్టులు
* చినోస్‌, తెలుపు రంగు టీషర్టులు.