Ratan Tata: కప్ కేక్తో రతన్ టాటా బర్త్డే వేడుక.. నెటిజన్లు ఫిదా
కుబేరుల ఇళ్లల్లో వేడుకలంటే అంబరాన్నంటాల్సిందే. కళ్లు చెదిరేలా డెకరేషన్లు.. ప్రముఖులు, సెలబ్రెటి రాకతో ఘనంగా జరుగుతాయి. కానీ, ప్రముఖ పారిశ్రామికవేత్త,
ఇంటర్నెట్డెస్క్: కుబేరుల ఇళ్లల్లో వేడుకలంటే అంబరాన్నంటాల్సిందే. కళ్లు చెదిరేలా డెకరేషన్లు.. ప్రముఖులు, సెలబ్రెటీల రాకతో ఘనంగా జరుగుతాయి. కానీ, ప్రముఖ పారిశ్రామికవేత్త, దాత రతన్ టాటా మాత్రం వీటన్నింటికీ చాలా దూరంగా ఉంటారు. సామాన్య జీవితాన్నే ఎక్కువగా ఇష్టపడే టాటా.. మరోసారి తన నిరాడంబరతను చాటుకున్నారు. డిసెంబరు 28న రతన్ టాటా 84వ పుట్టినరోజు. ఆ రోజున భారీ కేకులు, లగ్జరీ పార్టీలు కాకుండా చిన్న కప్ కేకుతో ఆయన తన జన్మదిన వేడుకను జరుపుకోవడం విశేషం.
ఇందుకు సంబంధించిన వీడియో ఒకటి ప్రస్తుతం సోషల్మీడియాలో చక్కర్లు కొడుతోంది. ఈ వీడియోను తొలుత వైభవ్ భోయిర్ అనే వ్యక్తి లింక్డ్ఇన్లో పోస్ట్ చేశారు. అందులో రతన్ టాటా.. తన అసిస్టెంట్ శంతను నాయుడుతో కలిసి పుట్టినరోజు జరుపుకున్నారు. శంతను బర్త్డే శుభాకాంక్షలు చెబుతుంటే.. చిన్న కప్ కేక్పై ఉన్న క్యాండిల్ను టాటా ఊదారు. ఈ వీడియోను ప్రముఖ పారిశ్రామికవేత్త హర్ష గోయెంకా తన ట్విటర్ ఖాతాలో షేర్ చేయగా.. ప్రస్తుతం వైరల్ అయ్యింది.
రతన్ టాటా నిరాడంబరతకు ముగ్ధులైన నెటిజన్లు ఆయనపై పొగడ్తల వర్షం కురిపిస్తున్నారు. ఎన్నో విజయాలను సాధించి కోట్లు గడించినప్పటికీ.. సామాన్య జీవితాన్ని ఇష్టపడుతున్న టాటా.. ఎంతో మందికి ఆదర్శప్రాయమని కొనియాడుతున్నారు. ఈ వీడియోను ఇప్పటికే 3లక్షల మందికి పైగా వీక్షించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
Prabhas: ప్రభాస్ ‘రాజాసాబ్’ మరింత ఆలస్యం.. కారణమిదే!
-
సీఎస్ జవహర్రెడ్డి వివరణపై స్పందించిన ఈసీ
-
కేజ్రీవాల్ విడుదల.. తిహాడ్ జైలు వద్ద ప్రజలకు అభివాదం
-
28 వేల మొబైల్స్ బ్లాక్ చేయండి.. టెల్కోలకు డాట్ ఆదేశం
-
గత నాలుగున్నరేళ్లు మానసికంగా రోజూ యుద్ధమే చేశా: దిల్లీ పేసర్
-
ప్రమోషన్స్లో జాన్వీ కపూర్.. స్టైలిష్ డ్రెస్సులో మానుషి చిల్లర్