ఇ-కామర్స్ సంస్థ‌లకు టీడీఎస్ నిబంధ‌న‌లు

మూలం వద్ద పన్ను వసూలు(టీసీఎస్‌) నిబంధనల అమలు విషయంలో ఆదాయ పన్ను(ఐటీ) విభాగం మార్గదర్శకాలు జారీ చేసింది. అక్టోబరు 1 నుంచి ఇది అమల్లోకి రానుంది.

ఇ-కామ‌ర్స్ సంస్థ‌లు:
కొత్త నిబంధ‌న‌ల ప్ర‌కారం… ఇ-కామర్స్‌ ఆపరేటర్లు అందించే వస్తువుల, సేవల విక్రయాలపై 1 శాతం ఆదాయ పన్ను మినహాయిస్తారు. ఆ మేరకు ఆదాయ పన్ను చట్టం 1961లో కొత్త సెక్షన్‌ '194-'ను ఫైనాన్స్‌ యాక్ట్‌ 2020 తీసుకొచ్చింది. అదే సమయంలో సెక్షన్‌ 206సిలో సబ్‌ సెక్షన్‌ (1హెచ్‌)ను కూడా చొప్పించింది. దీని ప్రకారం… ఏదైనా అంతక్రితం ఏడాదిలో మొత్తం విక్రయాలు రూ.50 లక్షలు మించినపుడు కొనుగోలుదారు నుంచి విక్రేత 0.1 శాతం పన్ను వసూలు చేయాలి. ఇది కూడా అక్టోబరు 1 నుంచే అమల్లోకి వస్తుంది.

బీమా సంస్థ‌లు:
ఇన్సూరెన్స్ కంపెనీకి, పాలసీ కొనుగోలుదారుకు మధ్య లావాదేవీలలో ప్రమేయం లేకపోతే, ఆ తరువాతి సంవత్సరాలకు చట్టం యొక్క సెక్షన్ 194-0 ప్రకారం పన్నును మిన‌హాయించే బాధ్యత అతనికి ఉండదు" అని సిబిడిటి ప్ర‌క‌టించింది. ఏదేమైనా, భీమా సంస్థ బీమా ఏజెంట్ లేదా అగ్రిగేట‌ర్‌కు కమీషన్ చెల్లింపుపై పన్నును మినహాయించవలసి ఉంటుంది.

కాగా, కొత్తగా తీసుకొచ్చిన టీసీఎస్‌ నిబంధనలు స్టాక్‌ ఎక్స్ఛేంజీల ద్వారా జరిగే సెక్యూరిటీస్‌, కమొడిటీస్‌ లావాదేవీలకు వర్తించవని సీబీడీటీ స్పష్టం చేసింది. పవర్‌ ఎక్స్ఛేంజీల ద్వారా జరిగే లావాదేవీలపైనా వర్తించవని తెలిపింది. అయితే ఇంకా పలు అంశాలపై స్పష్టత రావాల్సి ఉందని మార్కెట్‌ వర్గాలు, విశ్లేషకులు అంటున్నారు.