మహీంద్రా బొలెరో మ్యాక్స్‌ పికప్‌

ధరల శ్రేణి రూ.7.68-7.87 లక్షలు

చెన్నై: మహీంద్రా అండ్‌ మహీంద్రా తేలికపాటి వాణిజ్య వాహనం (ఎల్‌సీవీ) మ్యాక్స్‌ పికప్‌ను బుధవారం ఆవిష్కరించింది. 2-3.5 టన్నుల విభాగంలో పరిచయం చేస్తున్న ఈ వాహన శ్రేణి ధర రూ.7.68-7.87 లక్షల (ఎక్స్‌-షోరూమ్‌) మధ్య ఉంటుంది. ఈ విభాగంలో మార్కెట్‌ వాటా పెంచుకునేందుకే ఈ మోడల్‌ను తెస్తున్నట్లు ఎంఅండ్‌ఎం సీనియర్‌ వైస్‌ ప్రెసిడెంట్‌ వెంకట్‌ శ్రీనివాస్‌ వెల్లడించారు. పుణె సమీపంలోని చకాన్‌ ప్లాంటులో వీటిని ఉత్పత్తి చేస్తున్నట్లు పేర్కొన్నారు. మ్యాక్స్‌ పికప్‌ ప్రారంభస్థాయి మోడల్‌ ధర రూ.7.68 లక్షలు, మిడ్‌ వేరియంట్‌ ధర రూ.7.72 లక్షలు, టాప్‌-ఎండ్‌ ధర రూ.7.87 లక్షలుగా ఉంటుందని పేర్కొన్నారు. రూ.25,000 డౌన్‌పేమెంట్‌ చెల్లించి, మిగిలిన మొత్తాన్ని రుణంగా పొందొచ్చని తెలిపారు.