కార్పొరేట్‌ ‘పద్మాలు’ వీరే

వాణిజ్య -పరిశ్రమ రంగంలో నలుగురిని ‘పద్మ’ పురస్కారాలు వరించాయి. సీతారామ్‌ జిందాల్‌(కర్ణాటక), యాంగ్‌ లీ(తైవాన్‌)లకు పద్మభూషణ్‌; కల్పనా మోర్పారియా (మహారాష్ట్ర), శశి సోనీ(కర్ణాటక)లకు పద్మశ్రీ దక్కాయి.

• జిందాల్‌ అల్యూమినియం వ్యవస్థాపకుడు, సీఎండీ అయిన సీతారామ్‌ జిందాల్‌(91) హరియాణాలో జన్మించారు. నేచురోపతీలో డాక్టరేట్‌ డిగ్రీ ఉంది. బెంగళూరులో ప్రపంచ ప్రఖ్యాతిగాంచిన ‘నేచురోపతి అండ్‌ యోగా హాస్పిటల్‌’ను 1978లో నిర్మించారు.
• తైవాన్‌ సంస్థ ఫాక్స్‌కాన్‌కు సీఈఓ, ఛైర్మన్‌ అయిన యాంగ్‌ లీ, భారత్‌లో సెమీకండక్టర్‌ ప్రణాళికలకు సహకారం అందిస్తున్నారు.
• కల్పనా మోర్పారియా, ఐసీఐసీఐ బ్యాంక్‌, జేపీ మోర్గాన్‌లలో దీర్ఘకాలం పాటు పనిచేశారు. ప్రస్తుతం పలు కంపెనీల బోర్డుల్లో ఉన్నారు.
• ఐజ్మో లిమిటెడ్‌కు ఛైర్‌పర్సన్‌గా ఉన్న శశి సోని.. రూ.10,000తో మొదలుపెట్టి 500 మి.డాలర్ల కంపెనీగా తీర్చిదిద్దారు.