Published : 30 Jul 2021 02:21 IST

సెలవు రోజునా.. ఈఎంఐ

బ్యాంకు నుంచి నేరుగా వెళ్లే రుణ వాయిదాలు సాధారణంగా సెలవు రోజుల్లో బ్యాంకు నుంచి డెబిట్‌ కావు. కానీ, ఆగస్టు 1 నుంచి ఇది మారనుంది. నేషనల్‌ ఆటోమేటెడ్‌ క్లియరింగ్‌ హౌస్‌ (నాచ్‌) ఇక నుంచి అన్ని రోజులూ పని చేస్తుందని ఆర్‌బీఐ జూన్‌లో వెల్లడించింది. కాబట్టి, ఈఎంఐ వాయిదా రోజు సెలవు దినం ఉన్నా బ్యాంకు నుంచి ఆ మొత్తం డెబిట్‌ అవుతుంది.

దీంతోపాటు.. సెలవు రోజు ఉన్నా.. వేతనాలు, పింఛన్లు, డివిడెండ్లు, వడ్డీ చెల్లింపుల్లాంటివీ బ్యాంకులో జమ అవుతాయి. ఇప్పటికే నిర్ణీత తేదీ నాడు చెల్లింపు చేయాల్సిందిగా నాచ్‌ ధ్రువీకరణ ఇచ్చిన సందర్భాల్లో అదే తేదీన ఆ చెల్లింపులు జరిగిపోతాయి. టెలిఫోన్‌ బిల్లులు, బీమా పాలసీల ప్రీమియం, మ్యూచువల్‌ ఫండ్లలో పెట్టుబడుల్లాంటి వాటికి సెలవు రోజునాడూ బ్యాంకు నుంచి ఆ మొత్తం వెళ్లిపోతుంది.

* ఐసీఐసీఐ బ్యాంకు నగదు లావాదేవీలపై పరిమితిని విధించింది. ఈ కొత్త నిబంధనలూ ఆగస్టు 1 నుంచి అమల్లోకి రానున్నాయి. నగదు జమ, వెనక్కి తీసుకునేందుకు మొత్తం 4 ఉచిత లావాదేవీలనే అనుమతించనుంది. ఆ తర్వాత నుంచి ప్రతి లావాదేవీకి   రూ.150 రుసుము విధిస్తుంది. మూడో వ్యక్తులు చేసే నగదు  జమలపైనా పరిమితులు విధించింది. రూ.25,000 వరకూ రూ.150 రుసుము వసూలు చేయనుంది. ఆపై జమను అనుమతించదు. ఏడాదికి 25 చెక్కులు ఉచితంగా ఇస్తుంది. ఆ తర్వాత 10  చెక్కులుండే ఒక్కో చెక్‌బుక్‌కు రూ.20 చెల్లించాలి.


వడ్డీ రేట్లు ఇలా...

త కొంత కాలంగా బ్యాంకులు అందిస్తోన్న వివిధ రుణాల  వడ్డీ రేట్లు బాగా తగ్గాయి. దీంతోపాటు ఫిక్స్‌డ్‌ డిపాజిట్ల వడ్డీ రేట్లు కనిష్ఠ స్థాయికి చేరుకున్నాయి. ఈ నేపథ్యంలో కొన్ని అగ్రశ్రేణి బ్యాంకుల గృహ, వాహన, వ్యక్తిగత రుణాలు, ఫిక్స్‌డ్‌ డిపాజిట్లపై               వడ్డీ రేట్లు ఎలా ఉన్నాయన్న వివరాలు మీకోసం.. (వడ్డీ రేట్లు శాతాల్లో)

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని