matrimony: ఐఏఎస్‌, ఐపీఎస్‌ కాదట.. మ్యాట్రిమొనీ సైట్‌లో వెతికింది వీరి కోసమేనట..!

ఇంటర్నెట్‌ డెస్క్‌: అమ్మాయి పెళ్లనగానే కాబోయే వరుడిది ప్రభుత్వ ఉద్యోగమా? కాదా?అని తల్లిదండ్రులు ఆరా తీస్తుంటారు. ప్రతి మ్యాట్రిమొనీ సైట్‌ సెర్చ్‌ రిజల్ట్స్‌లో దాదాపు ఎక్కువగా ఇవే కనిపిస్తుంటాయి. తాజాగా ఈ ట్రెండ్‌ మారిందంటున్నారు కేంద్ర మంత్రి రాజీవ్‌ చంద్రశేఖర్‌. ఇప్పుడంతా స్టార్టప్‌ వ్యవస్థాపకుడి కోసం ఎక్కువగా శోధిస్తున్నారని చెప్పుకొచ్చారు. ప్రముఖ మ్యాట్రిమొనీ వెబ్‌సైట్‌ షాదీ.కామ్‌లో ఈ విధంగా ఆరా తీశారంటూ ఆయన చెప్పుకొచ్చారు.

గుజరాత్‌లో నిర్వహించిన డిజిటల్‌ ఇండియా వీక్‌ కార్యక్రమంలో భాగంగా రాజీవ్‌ చంద్రశేఖర్‌ ఈ వ్యాఖ్యలు చేశారు. స్టార్టప్‌ ఉద్యోగి, స్టార్టప్‌ వ్యవస్థాపకుడు పదాలు షాదీ.కామ్‌ వెబ్‌సైట్‌లో ఎక్కువ సెర్చ్‌ చేసిన జాబితాలో ఉన్నాయని, ఐఏఎస్‌, ఐపీఎస్‌ గురించి కాకుండా వీటి గురించే ఎక్కువ వెతికారని చెప్పారు. విశ్వసనీయ వర్గాలు ఈ విషయాన్ని తెలిపాయని పేర్కొన్నారు. అయితే, ఈ విషయంలో కేంద్రమంత్రి సరదాగా అన్నారో, నిజంగా అన్నారో మాత్రం తెలియరాలేదు. ఆయన చేసిన వ్యాఖ్యలను ఓ వ్యక్తి ట్వీట్‌ చేయగా.. దాన్ని రీట్వీట్‌ చేస్తూ ‘సరదా కోసం’ అని ఆయన ఎమోజీలు పెట్టారు. దీనిబట్టి డిజిటల్‌ ఇండియా కార్యక్రమంలో భాగంగా స్టార్టప్‌లను ప్రోత్సహించే ఉద్దేశంతో ఆయన ఈ వ్యాఖ్యలు చేశారని అర్థమవుతోంది.

► Read latest Business News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.