టపాసుల ఫ్యాక్టరీలో పేలుడు.. 11మంది మృతి

చెన్నై: తమిళనాడులోని విరుధునగర్‌ జిల్లాలో ఘోర ప్రమాదం జరిగింది. ఓ బాణసంచా కర్మాగారంలో పేలుడు సంభవించి 11 మంది మృతిచెందారు. టపాసుల తయారీ కోసం కొన్ని రసాయనాలు కలుపుతుండగా ఈ ప్రమాదం చోటుచేసుకున్నట్లు పోలీసులు తెలిపారు. ఘటనాస్థలానికి చేరుకున్న పోలీసులు సహాయకచర్యలు చేపట్టారు. 10 అగ్నిమాపక యంత్రాలతో మంటలను అదుపుచేసేందుకు ప్రయత్నిస్తున్నారు. ఇప్పటివరకు 11 మృతదేహాలను గుర్తించగా.. గాయపడిన మరో 14 మందిని ఆసుపత్రికి తరలించారు. మంటల్లో మరికొందరు చిక్కుకున్నట్లుగా తెలుస్తోంది. ఘటనపై పూర్తి వివరాలు తెలియాల్సి ఉంది.

ఇవీ చదవండి..

కారుతో ఢీకొట్టి కార్పొరేటర్‌ హత్య

విందుకు పిలిచి.. లైంగికంగా వేధించి..