ఢాకాలో బోటు ప్రమాదం.. 23మంది మృతి

ఢాకా: బంగ్లాదేశ్ రాజధాని ఢాకా నగరం సమీపంలో ఘోర ప్రమాదం చోటు చేసుకుంది. బురిగంగ నదిలో రెండు బోట్లు పరస్పరం ఢీకొన్నాయి. ఈ ప్రమాదంలో ఓ బోటు నీటిలో మునిగిపోవడంతో 23 మంది ప్రాణాలు కోల్పోగా.. పలువురు గల్లంతయ్యారు. వివరాల్లోకి వెళ్తే.. 100 మంది ప్రయాణికులతో వెళ్తున్న బోటును మరో ప్రయాణికుల బోటు ఢీకొట్టిందని అధికారులు తెలిపారు. ఈ ఘటనలో మృతిచెందిన వారిలో ఆరుగురు మహిళలు, ముగ్గురు చిన్నారులు ఉన్నారని వెల్లడించారు. ఇప్పటివరకు 23మంది మృతదేహాలను గుర్తించామనీ.. మిగతా వారి ఆచూకీ కోసం గాలింపు చర్యలు చేపడుతున్నట్టు వివరించారు. ఘటనా స్థలం వద్ద సహాయక చర్యలు కొనసాగుతున్నాయని తెలిపారు.

‘బోటులో 50 మంది ప్రయాణిస్తున్నట్లు తెలిసింది. మిగతా వారి ఆచూకీ కోసం రెస్క్యూ బృందం గాలిస్తోంది’ అని అగ్నిమాపకదళ అధికారి ఎనాయెట్ హుస్సేన్ తెలిపారు పేర్కొన్నారు. వాహనంలో 50 మందికి పైగా ప్రయాణిస్తున్నారని, చాలామంది క్యాబిన్లలో చిక్కుకుపోయినట్లు ప్రత్యక్ష సాక్షులు పేర్కొంటున్నారు.