అమరరాజాలో అగ్ని ప్రమాద నష్టం రూ.550 కోట్లు

యాదమరి, న్యూస్‌టుడే: చిత్తూరు జిల్లా యాదమరి మండలం మోర్దానపల్లిలోని అమరరాజా గ్రోత్‌ కారిడార్‌లో జరిగిన అగ్ని ప్రమాదంలో రూ.550 కోట్ల మేర ఆస్తినష్టం వాటిల్లినట్లు సంస్థ ప్రతినిధులు లెక్కగట్టారు. ఈ మేరకు బంగారుపాళ్యం పోలీస్‌స్టేషన్‌లో సంస్థ ప్రతినిధి సి.గోవిందనాయుడు ఫిర్యాదు చేయగా పోలీసులు గురువారం కేసు నమోదు చేశారు. జనవరి 30న పరిశ్రమలోని ట్యూబులర్‌ బ్యాటరీ తయారీ విభాగంలో షార్ట్‌ సర్క్యూట్‌ కారణంగా రాజుకున్న మంటలు ప్లాంటు మొత్తం వ్యాపించాయి. మూడు అగ్నిమాపక శకటాలతో రాత్రంతా శ్రమించగా మరుసటి రోజు ఉదయం మంటలు అదుపులోకి వచ్చాయి.