Crime news: భర్త మరణవార్త విని.. పసిబిడ్డను చంపి, ఆత్మహత్య చేసుకున్న భార్య

బెంగళూరు: కర్ణాటకలో విషాద ఘటన చోటుచేసుకుంది. భర్త మృతిచెందాడన్న బాధతో ఆరు నెలల కుమారుడిని చంపిన ఓ మహిళ.. ఆపై తానూ ఆత్మహత్య చేసుకుంది. రాయ్‌చూర్‌కు చెందిన గంగాధర్​ బి కమ్మర(36), శ్రుతి(30) భార్యాభర్తలు. వీరికి ఆరు నెలల కుమారుడు అభిరామ్​ ఉన్నాడు. మంగళూరులోని అగ్నిమాపక దళంలో గంగాధర్ డ్రైవర్​గా ఉద్యోగం చేస్తున్నాడు. శనివారం రాత్రి జరిగిన ఓ రోడ్డు ప్రమాదంలో గంగాధర్ మరణించాడు. కుంటికాన సమీపంలో రోడ్డు దాటుతుండగా బెంగళూరు నుంచి కుందాపుర్ వెళ్తున్న కారు ఢీకొట్టడంతో అక్కడికక్కడే ప్రాణాలు కోల్పోయాడు.

భర్త మృతిచెందిన విషయం రాయచూర్‌లో ఉన్న భార్య శ్రుతికి తెలిసింది. దీంతో ఒక్కసారిగా షాక్​కు గురైన ఆమె.. భర్త మరణాన్ని తట్టుకోలేకపోయింది. ఆ రాత్రి 10 గంటల సమయంలో తన ఆరు నెలల కుమారుడు అభిరామ్​ను హత్యచేసి, తాను ఆత్మహత్యకు పాల్పడింది. ఈ రెండు ఘటనలతో ఆ కుటుంబం మొత్తం విషాదంలో మునిగిపోయింది. కేసు నమోదు చేసి దర్యాప్తు చేపట్టినట్లు మంగళూరు సిటీ పోలీసు కమిషనర్‌ ఎన్‌ శశికుమార్‌ వెల్లడించారు.