CCTV: వేట కుక్కలుగా మారిన వీధి శునకాలు.. మహిళపై దాడి

కొయ్‌కోడ్‌: వీధి శునకాలు వేట కుక్కలుగా మారి, ఓ మహిళను అతి దారుణంగా గాయపరిచిన ఘటన కేరళలో జరిగింది. కొయ్‌కోడ్‌లోని తామర్సి ప్రాంతానికి చెందిన మహిళ పని మీద బయటకు వచ్చింది. అటుగా వచ్చిన వీధి శునకాలు ఆమెను చుట్టు ముట్టాయి. వాటిని తరిమేందుకు ప్రయత్నించగా ముందుకు వెళ్లినట్లే వెళ్లి వెనక్కి వచ్చి దాడి చేశాయి. కింద పడిపోయిన ఆమెను కరుస్తూ తీవ్రంగా గాయపరిచాయి. బాధితురాలి కేకలతో అప్రమత్తమైన స్థానికులు శునకాలను తరిమేందుకు తీవ్రంగా ప్రయత్నించారు. అయినా కూడా కూడా అవి వెనక్కి తగ్గలేదు. చాలా సేపటి వరకూ శునకాలతో మహిళ పోరాడింది. దాడి దృశ్యాలు సీసీ టీవీలో రికార్డయ్యాయి.