Hyderabad News: బంజారాహిల్స్‌లో కారు బీభత్సం.. ఇద్దరి మృతి

హైదరాబాద్‌: నగరంలోని బంజారాహిల్స్‌ రోడ్‌ నంబర్‌ 2లో ఆదివారం అర్ధరాత్రి కారు బీభీత్సం సృష్టించింది. మద్యం మత్తులో ఓ వ్యక్తి కారును వేగంగా నడుపుతూ రోడ్డుపై వెళుతున్న ఇద్దరిని ఢీకొట్టాడు. ఈ ఘటనలో ఇద్దరు వ్యక్తులు అక్కడికక్కడే మృతిచెందారు. మృతులను అయోధ్యరామ్‌, దేబంద్రకుమార్‌ దాస్‌గా గుర్తించారు. వీరిరువురు ఓ ప్రైవేట్‌ కంపెనీ ఉద్యోగులని పోలీసులు నిర్ధరించారు.

సంఘ‌ట‌న అనంత‌రం నిందితుడు కారుతో పాటు జూబ్లీహిల్స్ వైపు ప‌రార‌య్యాడు. ఇదే స‌మ‌యంలో విధుల్లో ఉన్న పోలీసులు ప్రమాదానికి కార‌ణ‌మైన కారును గుర్తించారు. నిందితుడిని అదుపులోకి తీసుకోవడమే కాకుండా కారును సీజ్‌ చేసి బంజారాహిల్స్ స్టేషన్‌కు తరలించారు. మృతదేహాలను ఉస్మానియా మార్చురీకి తరలించారు. ఘటనపై కేసు నమోదు చేసిన పోలీసులు దర్యాప్తు చేస్తున్నారు.