తీరిన సంతకాల సమస్య

సచివాలయం ఉద్యోగి దరఖాస్తుపై సంతకం చేస్తున్న ఇన్‌ఛార్జి ఎంపీడీవో ఇమ్మానుయేల్‌

గూడెంకొత్తవీధి, న్యూస్‌టుడే: సచివాలయాల ఉద్యోగుల బదిలీలకు దరఖాస్తు చేసుకునేందుకు సంతకాల సమస్య తీరింది. జీకేవీధి ఎంపీడీవో అత్యవసరంగా సెలవుపై వెళ్లడంతో ఆ బాధ్యతలు ఎవరూ చూడక కార్యకలాపాలు నిలిచిపోయాయి. సచివాలయాల ఉద్యోగులు సంతకాల కోసం తిరిగినా ఫలితం లేకపోవడంపై ‘సెలవులో సారు..బాధ్యులెవరూ..?’ శీర్షికన ‘ఈనాడు’లో శుక్రవారం వార్త ప్రచురితమైంది. దీనికి స్పందించిన జిల్లా పరిషత్‌ అధికారులు స్థానిక సీనియర్‌ అసిస్టెంట్‌ ఇమ్మానుయేల్‌కు ఇన్‌ఛార్జ్‌ బాధ్యతలు అప్పగించారు. శుక్రవారం ఆయన కార్యాలయంలో అందుబాటులో ఉన్నారు. కార్యాలయానికి వచ్చిన సచివాలయాల ఉద్యోగులకు సంతకాలు చేసి పంపించారు.