ఘంటసాల గానం.. అజరామరం

నివాళి అర్పిస్తున్న కలెక్టర్‌ నాగలక్ష్మి

జిల్లా సచివాలయం, న్యూస్‌టుడే: గాన గంధర్వుడు ఘంటసాల గానం అజరామరం. ఆయన ఇప్పటికీ ప్రజల హృదయాల్లో చెరగని ముద్ర వేసుకున్నారని కలెక్టర్‌ నాగలక్ష్మి కొనియాడారు. పద్మశ్రీ ఘంటసాల వెంకటేశ్వర్‌రావు శతజయంతి ఉత్సవాలను ఏపీ పర్యాటకశాఖ ఆధ్వర్యంలో శనివారం కలెక్టరేట్‌ మినీ కాన్ఫరెన్సు హాలులో నిర్వహించారు. విశ్రాంత తహసీల్దార్‌ పాల సముద్రం నాగరాజు బృందం, శ్యామ్‌సుందర్‌శాస్త్రి ఆలపించిన ఘంటసాల పాటలు ఆకట్టుకున్నాయి. కార్యక్రమంలో జేసీ గంగాధర్‌గౌడ్‌, డీఆర్‌ఓ గాయత్రీదేవి, పర్యాటక శాఖ ఆర్డీ రామచంద్ర, డైరెక్టర్‌ జాహ్నవి, జిల్లా అధికారి నాగేశ్వర్‌, జిల్లా మేనేజర్‌ దీపక్‌, సమాచార శాఖ ఏడీ వేలాయుధం, ఇంజినీరింగ్‌శాఖ రామాంజనేయులు తదితరులు పాల్గొన్నారు.