సైబర్‌ పోలీసుల అదుపులో చిలమత్తూరు యువకుడు

చిలమత్తూరు: హైదరాబాద్‌ సైబర్‌ క్రైం బ్రాంచ్‌ పోలీసులు బుధవారం శ్రీసత్యసాయి జిల్లా చిలమత్తూరు మండలం సంజీవరాయనపల్లి గ్రామానికి చెందిన శ్రీకాంత్‌రెడ్డిని అదుపులోకి తీసుకున్నారు. బ్యాంకులకు సంబంధించి ఫ్రాడ్‌ ఫోన్‌కాల్స్‌ ఖాతాదారులకు చేసి వారి వద్ద నుంచి ఓటీపీ తెలుసుకొని వారి ఖాతాల్లోని నగదును విత్‌డ్రా చేస్తారు. ఇలా రూ.21 లక్షలకు సంబంధించి వివిధ ఖాతాదారుల నుంచి నగదు విత్‌డ్రా చేశారని సైబర్‌ పోలీసులకు ఫిర్యాదులు వచ్చాయి. దీంతో ఏ సిమ్‌కార్డు నుంచి ఇలాంటి మెసేజ్‌లు వెళ్లాయి.. అది ఎవరి పేరుమీద ఉంది.. ఏ మండలం అనే విషయాలను హైదరాబాద్‌ సైబర్‌క్రైం పోలీసులు ఆరా తీశారు. అది శ్రీకాంత్‌రెడ్డి పేరు మీద ఉండటంతో అతడిని అదుపులోకి తీసుకుని హైదరాబాద్‌ తరలించారు.