సీఎం సభకు బస్సులు.. ప్రయాణికుల పాట్లు

కళ్యాణదుర్గం గ్రామీణం, న్యూస్‌టుడే: సీఎం జగన్‌ ఇతర జిల్లాల్లోని ఎన్నికల పర్యటన సందర్భంగా కళ్యాణదుర్గం డిపో నుంచి 26 బస్సులను తరలించడంతో ప్రయాణికులు తీవ్ర ఇబ్బందులు పడుతున్నారు. మంగళవారం రాత్రి 14, బుధవారం ఉదయం 12 బస్సులు వెళ్లాయని ఆర్టీసీ అధికారులు పేర్కొన్నారు. ఇక్కడ నుంచి కొన్ని మార్గాల్లో ఒకటి, రెండు సర్వీసులు ఉండగా, మరి కొన్ని మార్గాల్లో సర్వీసులు లేక పోయాయి. చాలా మంది ప్రైవేట్‌ వాహనాలపై ఆధారపడి అధిక ఛార్జీలు వెచ్చించి వెళ్లాల్సి వస్తోందని గ్రామీణులు ఆవేదన వ్యక్తం చేస్తున్నారు. ఈ విషయమై ఆర్టీసీ డీఎం రామచంద్రను వివరణ కోరగా ఎన్నికల కోడ్‌ ఉన్నందున బస్సులను అద్దెకు పంపుతున్నామని, దాని వల్ల పలు గ్రామాలకు సర్వీసులు లేవన్నారు.