ఉన్నది అభివృద్ధికి దూరం..కొత్తది నిరుపయోగం

ఆదిమూర్తినగర్‌ రైతుబజార్‌లో సౌకర్యాలు ఉన్నా వృథాగా..

అనంతపురం నగరంలో పాతూరు కూరగాయల మార్కెట్‌ ఎప్పటి నుంచో అభివృద్ధికి దూరంగా ఉంది. ఇప్పటికి ఇక్కడ వ్యాపారులకు, వినియోగదారులకు సరైన సౌకర్యాలు లేక ఇబ్బందులు పడుతూనే ఉన్నారు. ఎండకు, వానకు పరదాలే రక్షణగా వ్యాపారాలు చేసుకునే పరిస్థితి. దీని అభివృద్ధి కోసం మున్సిపాలిటీ, ప్రజాప్రతినిధులు ఎలాంటి చర్యలు తీసుకోకపోవటంతో ఇప్పటికీ అధ్వాన స్థితిలోనే ఉంది. ఈ వెతలు తీర్చటానికి  రైతులకు, వ్యాపారులకు వినియోగదారులకు అన్ని విధాలుగా ఉపయోగకరంగా ఉండే విధంగా ఆదిమూర్తి నగర్‌లో రైతు బజార్‌ను ఏర్పాటు చేసినా అక్కడికి తరలించే ప్రయత్నం చేయలేదు. దీంతో కొన్నేళ్లుగా రైతుబజార్‌ ఉన్నా ఉపయోగం సున్నా అన్నట్టు మారింది. అటు ఎక్కువగా వ్యాపారాలు జరిగే పాతూరు మార్కెట్‌ ప్రాంతంపై చిత్తశుద్ధి లేకపోవడంతో   ప్రజలకు కష్టాలు తప్పలేదు.     

  - ఈనాడు, అనంతపురం