రైల్వే స్టేషన్లలో తక్కువ ధరకే భోజనం

జనరల్‌ బోగీల్లో ప్రయాణించేవారికి అవకాశం

గుంతకల్లు, న్యూస్‌టుడే : రైలులో ప్రయాణించే ప్రయాణికులకు కొన్ని రైల్వే స్టేషన్లలో తక్కువ ధరకు భోజనాన్ని అందించే కార్యక్రమాన్ని మంగళవారం ప్రారంభించామని సీనియర్‌ డివిజనల్‌ కమర్షియల్‌ మేనేజర్‌ మనోజ్‌ తెలిపారు. ఎకానమీ భోజనం ప్యాకెట్‌ రూ.20, భోజనంతో పాటు స్నాక్స్‌ రూ.50లతో ప్రయాణికులకు అందజేస్తున్నామన్నారు. డివిజన్‌లోని గుంతకల్లు, పాకాల, రేణిగుంట, తిరుపతి, డోన్‌, నంద్యాల రైల్వే స్టేషన్లలో భోజనం అమ్మకాలు చేపట్టామన్నారు. గుంతకల్లు రైల్వే జంక్షన్‌లోని 7వ నంబరు ప్లాట్‌ఫారంలో కౌంటరును ఏర్పాటు చేశామని తెలిపారు. జనరల్‌ బోగీల్లో ప్రయాణించే వారి కోసం ఈ సౌకర్యాన్ని ప్రభుత్వం అందుబాటులోకి తెచ్చిందని తెలిపారు.