ఎమ్మెల్యే అభ్యర్థి థామస్‌కు భద్రత కల్పించాలి

వెదురుకుప్పం: గంగాధరనెల్లూరు నియోజకవర్గ కూటమి పార్టీల ఉమ్మడి అభ్యర్థి థామస్‌కు భద్రత కల్పించాలని సదరు పార్టీల నేతలు పోలీసులను కోరారు. మంగళవారం మండల తెదేపా మాజీ అధ్యక్షుడు మోహన్‌మురళి నేతృత్వంలో జనసేన, భాజపా, తెదేపా నేతలు పోలీసు స్టేషనుకు వచ్చి తమ అభ్యర్థికి రాజకీయ ప్రత్యర్థుల నుంచి ముప్పు పొంచి ఉందని, రక్షణ కల్పించాలని కోరుతూ ఈ మేరకు వినతిపత్రాన్ని స్టేషన్‌ ఇన్‌ఛార్జికి అందజేశారు. భాజపా నేత హనుమంతరెడ్డి, తెదేపా నేతలు చెంగల్రాయరెడ్డి, గంగయ్య, బీఎం రవి, వరప్రసాద్‌, మురగయ్య, చిన్నబ్బ, చంద్రశేఖర్‌, రాజగోపాల్‌ పాల్గొన్నారు.