తీర దారి.. రూపుమారి

ఉప్పాడ బీచ్‌ రోడ్డుపై భారీ గొయ్యి

యు.కొత్తపల్లి మండలం ఉప్పాడ తీర రహదారి భారీ వర్షాలకు భారీ గుంతలతో రూపుమారింది. ప్రయాణికులకు నరకం చూపిస్తోంది. తుపాను తాకిడికి ధ్వంసమవ్వడంతో ఇటీవల మరమ్మతులు నిర్వహించి గోతులు పూడ్చారు. కెరటాల విధ్వంసం ఆగకపోవడంతో పలు చోట్ల భారీ గోతులు ఏర్పడ్డాయి. దీంతో ప్రయాణికులు రాకపోకలు సాగించడానికి ఇబ్బందిపడుతున్నారు. చిన్నపాటి వాహనమైతే గోతుల్లో దిగబడిపోతున్నాయి. పలువురు ద్విచక్రవాహన చోదకులు అదుపుతప్పి ప్రమాదాలకు గురవుతున్నారు.  అధికారులు స్పందించి గోతులు పూడ్చాలని ప్రజలు కోరుతున్నారు. - న్యూస్‌టుడే, కొత్తపల్లి