logo
Published : 09/12/2021 02:26 IST

లంచం తీసుకున్న రెవెన్యూసిబ్బందికి జైలుశిక్ష ఖరారు

జగదేవపూర్‌, న్యూస్‌టుడే: భూమి విలువ ధ్రువపత్రం ఇవ్వడానికి లంచం తీసుకుంటూ దొరికిన ఇద్దరు రెవెన్యూ అధికారులకు జైలుశిక్షలు ఖరారయ్యాయి. ఉమ్మడి మెదక్‌ జిల్లా అవినీతి నిరోధక శాఖ (ఏసీబీ) డిప్యూటీ పోలీసు సూపరింటెండెంట్‌ (డీఎస్పీ) ఆనంద్‌కుమార్‌ తెలిపిన వివరాలు.. గజ్వేల్‌ నివాసి కల్యాణ్‌కు జగదేవపూర్‌ మండలం ఇటిక్యాలలో 24 ఎకరాల వ్యవసాయ భూమి ఉంది. వాటిపై బ్యాంకులో అప్పు తీసుకోవడానికి భూమి విలువ ధ్రువపత్రం అవసరమైంది. జగదేవపూర్‌ తహసీిల్దారు కార్యాలయంలో 2008లో దరఖాస్తు చేసుకున్నారు. నాడు కార్యాలయంలో విధులు నిర్వహిస్తున్న రెవెన్యూ ఇన్‌స్పెక్టర్‌ (ఆర్‌ఐ) హనుమంతరావు (ప్రస్తుతం హైదరాబాద్‌లో కుమారుడి వద్ద ఉన్నారు), ఇటిక్యాల వీఆర్వో వెంకటనర్సింహారెడ్డి (ప్రస్తుతం జగదేవపూర్‌లోనే ఉద్యోగి) లంచం డిమాండ్‌ చేశారు. కల్యాణ్‌ తన మామ బుక్క వెంకటేశానికి విషయం చెప్పారు. రూ.7 వేలు ఇవ్వడానికి వెంకటేశం అంగీకరించారు. ఏసీబీ అధికారులకు ఈ విషయమై అప్పుడే సమాచారమిచ్చారు. వరాఉ వలపన్ని 2008 ఆగస్టు 5న లంచం తీసుకుంటున్న హనుమంతరావు, వెంకటనర్సింహారెడ్డిని ఘటనా స్థలంలో ఆధారాలతో సహా పట్టుకున్నారు. హైదరాబాద్‌ ఏసీబీ కోర్టులో విచారణ జరిగింది. నేరం రుజువైనందున ఏసీబీ న్యాయమూర్తి సాంబశివరావు వారిద్దరికీ రెండు సెక్షన్ల ప్రకారం బుధవారం శిక్షలు ఖరారు చేశారు. సెక్షన్‌ 7 ప్రకారం ఇద్దరికీ ఏడాది పాటు కఠిన కారాగార శిక్ష, రూ.వెయ్యి చొప్పున జరిమానా విధించారు. సెక్షన్‌ 13(1)(డి), 13(2) ప్రకారం రెండేళ్ల కఠిన కారాగారం, రూ.2 వేల చొప్పున జరిమానా విధించారు.

Read latest Hyderabad News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని