బీసీల చలో దిల్లీ విజయవంతం చేయాలి

మాట్లాడుతున్న గుజ్జ సత్యం

హయత్‌నగర్‌, న్యూస్‌టుడే: చట్టసభలో బీసీల రిజర్వేషన్లు 52 శాతం కల్పించాలని డిమాండ్‌ చేస్తూ ఏప్రిల్‌ 3, 4వ తేదీల్లో చేపట్టనున్న చలో దిల్లీ కార్యక్రమాన్ని విజయవంతం చేయాలని బీసీ సంఘం జాతీయ ఉపాధ్యక్షుడు గుజ్జ సత్యం అన్నారు. ఆదివారమిక్కడ ఆయన మాట్లాడుతూ.. కేంద్రంలో బీసీ మంత్రిత్వ శాఖను ఏర్పాటు చేయాలని,  బీసీ క్రిమిలేయర్‌ ఎత్తివేయాలని దిల్లీలో భారీ నిరసన చేపట్టనున్నట్లు తెలిపారు. ఈ కార్యక్రమానికి పొరుగు రాష్ట్రాలైన మహారాష్ట్ర, కర్ణాటక, ఒడిషా, ఆంధ్రప్రదేశ్‌ సహా తెలంగాణలోని అన్ని జిల్లాల నుంచి 5వేల మందికి పైగా తరలివస్తున్నట్లు వెల్లడించారు. ప్రతి ఒక్కరూ హాజరై బీసీ సమస్యలపై కేంద్ర ప్రభుత్వ మొండి వైఖరిపై పోరాటానికి సిద్ధం కావాలని పిలుపునిచ్చారు.  బీసీ సంఘాల నేతలు డాక్టర్‌ పురుషోత్తం, సురేష్‌, బిళ్ల పండరినాథ్‌, రమేష్‌ పాల్గొన్నారు.