నేత కార్మికుడి ఆత్మహత్య

సిరిసిల్ల (విద్యానగర్‌), న్యూస్‌టుడే: ఆర్థిక ఇబ్బందులతో నేత కార్మికుడు ఆత్మహత్యకు పాల్పడిన సంఘటన బుధవారం సిరిసిల్లలో చోటు చేసుకుంది. సిరిసిల్ల సీఐ అనిల్‌ కుమార్‌ తెలిపిన వివరాల ప్రకారం... సిరిసిల్లలోని సుందరయ్యనగర్‌కు చెందిన నేత కార్మికుడు జక్కని రవి(48) మధ్యాహ్నం తన లుంగీతో ఉరేసుకుని ఆత్మహత్యకు పాల్పడ్డాడు. మృతుడికి భార్య, ఇద్దరు కుమార్తెలు ఉన్నారు. అప్పుల బాధతోపాటు ఇద్దరు కుమార్తెలకు ఎలా వివాహం చేయాలనే మనస్తాపంతో ఆత్మహత్యకు పాల్పడినట్లు భార్య మల్లీశ్వరి ఇచ్చిన ఫిర్యాదు మేరకు కేసు నమోదు చేసినట్లు సీఐ తెలిపారు.