ముగ్గురి హత్య కేసులో మరో 13 మంది అరెస్టు

జగిత్యాల గ్రామీణం, న్యూస్‌టుడే: మంత్రాల నెపంతో జగిత్యాల పట్టణంలోని టీఆర్‌నగర్‌కు చెందిన జగన్నాథం నాగేశ్వర్‌రావు, అతని కుమారులు రాంబాబు, రమేశ్‌ హత్య కేసులో గురువారం మరో 13 మందిని అరెస్ట్‌ చేసినట్లు జగిత్యాల డీఎస్పీ రత్నపురం ప్రకాశ్‌ తెలిపారు. ఇప్పటికే 16 మందిని అరెస్ట్‌ చేసిన విషయం తెలిసిందే. తాజాగా అరెస్ట్‌ చేసిన వారితో మొత్తం 29 మందిని నిందితులుగా చేర్చారు. అరెస్టయిన వారిలో వనం గంగయ్య, దాసరి కుమార్‌, వనం అశోక్‌, బల్లాని రాజయ్య, బల్లాని గంగాధర్‌, కండెల శ్రీకాంత్‌, వనం అంజయ్య, బల్లాని రాంబాబు, వనం రాములు, వనం పెద్ద దుర్గయ్య, వనం రాజేశ్‌, వనం నాగయ్య, వనం రవి ఉన్నారు. ఇంకా దర్యాప్తు కొనసాగుతుందని డీఎస్పీ తెలిపారు.