అడుగంటిన జలం.. అపర భగీరథ ప్రయత్నం

అడుగంటిన భూగర్భజలాలు అన్నదాతలను అతలాకుతలం చేస్తున్నాయి. తల్లాడ మండలం మిట్టపల్లి గ్రామంలో కొందరు రైతులు పామాయిల్‌ సాగు చేశారు. ప్రతి సంవత్సరం బోర్లు ద్వారా, వాగులో ప్రవహించే నీటిని పంటలకు పెట్టేవారు. ప్రస్తుతం బోర్ల నుంచి నీళ్లు రావడం లేదు. మిట్టపల్లివాగు(గంగదేవిపాడువాగు)లో అక్కడక్కడ ఊట వస్తున్న నీటిని ఒక్క దగ్గర గుంతలోకి మళ్లించి అక్కడి నుంచి మోటారు ఏర్పాటు చేసి సుదూరం పైపులైను వేసి పామాయిల్‌ పంటకు తరలిస్తున్నారు. పంటలను కాపాడుకునేందుకు మండు వేసవిలో అన్నదాతలు అనేక ప్రయత్నాలు చేస్తున్నారు.

తల్లాడ, న్యూస్‌టుడే