తెదేపా అభ్యర్థిగా కచ్చితంగా పోటీ చేస్తా

మంత్రాలయంలో మాట్లాడుతున్న తిక్కారెడ్డి

మంత్రాలయం గ్రామీణం, న్యూస్‌టుడే: మంత్రాలయం నియోజకవర్గం తెదేపా అభ్యర్థిగా కచ్చితంగా నేనే పోటీ చేస్తానని ఆ పార్టీ నాయకుడు తిక్కారెడ్డి అన్నారు. బుధవారం ఆయన మంత్రాలయంలోని తెదేపా కార్యాలయంలో కోసిగి మండలంలోని జుమ్మాలదిన్నె, గౌడుగల్‌, వందగల్‌, నేలకోసిగి, కోల్మన్‌పేట, దుద్ది ఆర్లబండ, గ్రామాల నాయకులు, కార్యకర్తలతో సమీక్షా సమావేశం నిర్వహించారు. తెదేపా అధిష్ఠానం కచ్చితంగా పునరాలోచించి తనకు మంత్రాలయం టికెట్‌ ప్రకటిస్తుందన్నారు. త్వరలో శుభవార్త వింటారన్నారు. ఈ కార్యక్రమంలో తెదేపా మంత్రాలయం మండల అధ్యక్షుడు పన్నాగ వెంకటేశప్ప స్వామి, భరద్వాజ్‌శెట్టి, వక్రాణి వెంకటేశ్వర్లు, నాడిగేని అయ్యన్న, చావిడి వెంకటేశ్‌, అమర్నాథ్‌రెడ్డి, కృష్ణమోహన్‌రెడ్డి, విజయరామిరెడ్డి, అశోక్‌రెడ్డి, సిద్దప్ప, రాగన్న, గవిగట్టు ఈరన్న పాల్గొన్నారు.