అనుమానాస్పద స్థితిలో వ్యక్తి మృతి

డోన్‌: డోన్ మండలం వెంకటాపురం చెరువు సమీపంలో గుర్తుతెలియని వ్యక్తి అనుమానాస్పద స్థితిలో మృతి చెందినట్లు డి.ఎస్.పి శ్రీనివాస్ రెడ్డి తెలిపారు. ఆయన తెలిపిన వివరాల మేరకు ఈ రోజు ఉదయం ద్విచక్ర వాహనంపై వెళుతున్న వ్యక్తి అనుమానాస్పద స్థితిలో వెనక్కి వాలి పడి ఉన్నాడని పేర్కొన్నారు. మృతుని తలకు ముందు భాగంలో గాయమైంది. కడుపులో కత్తి పోటు మాదిరిగా గాయమైంది. బైక్ ముందు భాగం పూర్తిగా దెబ్బతిందని తెలిపారు. మృతుని వివరాలు తెలియరాలేదని, కేసు నమోదు చేసుకుని, ప్రమాదం జరిగిందా లేదా హత్య జరిగిందా అనే కోణంలో దర్యాప్తు చేస్తున్నట్లు డిఏస్పీ తెలిపారు.