వైకాపా పోవాలి.. చంద్రబాబు రావాలి

చిప్పగిరి: వైకాపా పాలన నుంచి విముక్తి పొందాలంటే చంద్రబాబు సీఎం కావాలని తెదేపా రాష్ట్ర ఉపాధ్యక్షుడు సోమిశెట్టి వెంకటేశ్వర్లు అన్నారు. శనివారం చిప్పగిరి ఎంపీటీసీ సభ్యురాలు ఎల్లంకి రజిని ఇంట్లో మండల నాయకులు సమావేశమయ్యారు. ఈ సందర్భంగా ఆయన మాట్లాడుతూ.. జగన్‌ పాలనలో రాష్ట్రం అప్పుల పాలయిందన్నారు. రాష్ట్రంలో అభివృద్ధి కుంటుపడిందని, యువత ఉపాధి కోల్పోయారని ఆయన పేర్కొన్నారు. మే 13వ తేదీన జరిగే పోలింగ్‌లో తెదేపాకు ఓటు వేయడానికి ప్రజలు సిద్ధంగా ఉన్నారని చెప్పారు. ఈ కార్యక్రమంలో మండల తెదేపా నాయకులు, కార్యకర్తలు పాల్గొన్నారు.