గద్వాల పట్టణంలో భారీ చోరీ

రాజోలి: జిల్లాలో వరుస చోరీలతో ప్రజలు బెంబేలెత్తుతున్నారు.  గురువారం గద్వాల పట్టణంలో భారీ చోరీ జరిగింది.  పట్టణంలోని లింగంబాగ్ కాలనీకి చెందిన వెంకటేశ్వర్లు అనే వ్యక్తి  ఇంటికి తాళం వేసి  సొంత పనుల నిమిత్తం బెంగళూరు పట్టణానికి వెళ్లారు. బుధవారం అర్ధరాత్రి గుర్తు తెలియని వ్యక్తులు తలుపులకు వేసిన తాళాలు  పగలగొట్టి బీరువాలో దాచిన  రూ.10 లక్షలకు పైగా నగదు, 40 తులాల బంగారాన్ని ఎత్తుకెళ్లారు.  ఈ రోజు ఉదయం వెంకటేశ్వర్లు ఇంటికి వచ్చి చూసే సరికి  తాళాలు పగులగొట్టి ఉన్నాయి. దీంతో  చోరీ జరిగినట్లు గుర్తించి పోలీసులకు సమాచారం అందించారు.  ఈ మేరకు పోలీసులు కేసు నమోదు చేసి దర్యాప్తు చేపట్టారు.  క్లూస్ టీం ద్వారా ఆధారాలు సేకరిస్తున్నారు.