ఫిర్యాదులు స్వీకరించిన ఎస్పీ

రాజోలి: శాంతినగర్ పోలీస్ స్టేషన్‌లో గురువారం జిల్లా ఎస్పీ రితిరాజ్ బాధితుల నుంచి ఫిర్యాదులు స్వీకరించారు. మొత్తం 13 మంది బాధితులు వివిధ సమస్యలపై ఆమెకు ఫిర్యాదులు అందజేశారు. ఈ సందర్భంగా ఆమె మాట్లాడుతూ.. ప్రజలకు మరింత చేరువ అయ్యేలా పోలీస్ విధులు ఉండాలని, ప్రజా సమస్యలపైన వెంటనే స్పందిస్తూ బాధితులకు సత్వర న్యాయం జరిగే విధంగా భరోసా కల్పించాలని ఆమె అధికారులకు సూచించారు. గతంలో నమోదు అయిన కేసులను పరిశీలించారు. కార్యక్రమంలో  డీఎస్పీ శ్రీ కె.సత్య నారాయణ, శాంతి నగర్ సీఐ రత్నం, ఎస్సై సంతోష్, పోలీస్ సిబ్బంది పాల్గొన్నారు.