తనిఖీల్లో భారీగా నగదు స్వాధీనం

నెల్లూరు(నేర విభాగం) : సార్వత్రిక ఎన్నికల నేపథ్యంలో జిల్లా వ్యాప్తంగా పోలీసుల తనిఖీలు జరుగుతున్నాయి. ఆది, సోమవారాల్లో చిన్నబజారు పరిధిలో రూ.9,90,071, బాలాజీనగర్‌ పరిధిలో రూ.5,00,000, రాపూరు పరిధిలో రూ.1,29,000 నగదు పట్టుకున్నారు. జూద స్థావరంపై దాడులుచేసి సంతపేట పరిధిలో ముగ్గురిని అదుపులోకి తీసుకుని రూ.900 నగదు స్వాధీనం చేసుకున్నారు. గుడ్లూరు పరిధిలో 68 మద్యం బాటిళ్లు, వెంకటాచలంలో 12, సైదాపురంలో 14, కలిగిరిలో 6, సీతారామపురం 10, కందుకూరు గ్రామీణంలో 13, సెబ్‌ అధికారులు 215 మొత్తం 338 మద్యం బాటిళ్లను స్వాధీనం చేసుకుని నిందితులపై కేసులు నమోదు చేశారు.