బీసీ సబ్‌ప్లాన్‌ నిధులు దారి మళ్లించిన వైకాపా ప్రభుత్వం

మాట్లాడుతున్న బీద రవిచంద్ర

నెల్లూరు (స్టోన్‌హౌస్‌పేట), న్యూస్‌టుడే: ‘రాష్ట్రంలో బలహీన వర్గాలను వైకాపా ప్రభుత్వం అణచి వేస్తోంది.. వారికి సంబంధించిన 30 పథకాలను రద్దు చేసింది. బీసీ సబ్‌ప్లాన్‌ నిధులు రూ.80వేల కోట్లు దారి మళ్లించింది’ అని తెదేపా జాతీయ ప్రధాన కార్యదర్శి బీద రవిచంద్ర విమర్శించారు. మంగళవారం నెల్లూరులో జరిగిన జిల్లా తెదేపా బీసీ సెల్‌ ఎన్నికల కమిటీ సమావేశంలో ఆయన మాట్లాడుతూ.. బలహీన వర్గాలకు 34 శాతం రిజర్వేషన్‌ కల్పించిన ఘనత ఎన్టీఆర్‌, నారా చంద్రబాబునాయుడులదేనన్నారు. బలహీన వర్గాలకు దక్కాల్సిన స్థానిక సంస్థల పదవుల్లో కోత విధించారని ఆరోపించారు. నెల్లూరు పార్లమెంట్‌ నియోజకవర్గ తెదేపా అధ్యక్షుడు అబ్దుల్‌ అజీజ్‌ మాటాడారు. సమావేశంలో డాక్టర్‌ జెడ్‌ శివప్రసాద్‌, పీఎల్‌ రావు, పొలిశెట్టి, బీసీ సంఘాల ప్రతినిధులు, పార్టీ కార్యకర్తలు పాల్గొన్నారు.