రూ.40 లక్షలు ఇవ్వాలని బెదిరింపులు

పోలీసులను ఆశ్రయించిన బాధితుడు

ఎడపల్లి, న్యూస్‌టుడే: తన పేరుపై ఉన్న 3.28 ఎకరాల భూమిలో నుంచి 20 గుంటల కానీ, రూ.40 లక్షల నగదైనా ఇవ్వాలని ఓ ఛానెల్‌లో పని చేస్తున్న విలేకరి, తమ సమీప బంధువులు బెదిరింపులకు పాల్పడుతున్నారని జాన్కంపేట్‌కు చెందిన లింగం ఆవేదన వ్యక్తం చేశారు. మండల కేంద్రంలో బుధవారం విలేకరులతో మాట్లాడారు. తన తల్లి బాలమ్మకు పుట్టింటి నుంచి 3.28 ఎకరాల భూమి వచ్చింది. ఆ భూమిని తన పేరిట పట్టా మార్పిడి చేయించారన్నారు. అప్పుడు తక్కువ ధర ఉండటంతో భూమి ఇచ్చారని, ఇప్పుడు ధరలు పెరగడంతో భూమి, లేదంటే నగదు ఇవ్వాలని బెదిరిస్తున్నారన్నారు. బంధువులతో తనకు ప్రాణహాని ఉందని ఎడపల్లి ఠాణాతో పాటు నిజామాబాద్, హైదరాబాద్‌లో పోలీసు ఉన్నతాధికారులకు ఫిర్యాదు చేసినట్లు చెప్పారు.